So`ngi yangiliklar
Turkiya Prezidentligi veloturiga 27-aprelda start beriladi
Istanbuldagi zilzila sabab Oʻzbekiston fuqarosi vafot etgani maʼlum boʻldi
Gurbanguli Berdimuhamedov “Oliy Darajali Doʻstlik” ordeni bilan mukofotlandi
Oʻzboshimchalik bilan tabiiy gaz tarmogʻiga ulangan fuqaro jamiyat va davlatga 263 million soʻm zarar yetkazdi
Qonun kuchi yetmayotgan — “Qonunsizlar”!
Lavrov Samarqanddagi “Motamsaro ona” haykalida rus tilidagi yozuv yo‘qligiga e’tibor qaratdi
Aya Sofiyaning ramziy gumbazi asrlarga bardosh berish uchun qayta tiklanmoqda
UzAuto Motors sotiladi
Turkiya Prezidentligi veloturiga 27-aprelda start beriladi
Turkiya Prezidentligi veloturi (TUR 2025) Turkiya va dunyoning eng muhim velosport musobaqalaridan biri boʻlib, bu yilgi 60 turi 27-apreldan 4-mayga qadar Turkiyaning xushmanzara yoʻnalishlarida boʻlib oʻtadi va dunyoning turli oʻlkalaridan eng yaxshi professional jamoalar hamda sportchilar ishtirok etadi.
Turkiya Respublikasi Prezidenti, Yoshlar vasport vazirligi hamda Turkiya Turizmni tanitish va rivojlantirish agentligi (TGA) koʻmagida Turkiya velosport federatsiyasi tomonidan veloturning 60-yilligi munosabati bilan nufuzli tadbir tashkil etilib, u joriy yilning 27-aprel kuni Antaliyada boshlanib, 4-may kuni Izmirda yakunlanadi. Sakkiz kunlik va sakkiz bosqichli ushbu turda AQSH, Germaniya, Belgiya, Xitoy, Fransiya, Niderlandiya, Ispaniya, Italiya, Qozogʻiston, Malayziya, Norvegiya, Polsha va Turkiyaterma jamoalari ishtirok etadi. Tarkibda velosport olamidagi eng kuchli sportchilar va istiqbolli yoshlar joy olgan.
Turkiyaning boy tarixiy merosiga sayohat
Ushbu musobaqa dunyoning yirik sport tadbirlaridan biri sifatida nafaqat velosipedchilarning mahoratini sinaydi. BalkiTurkiyaning madaniy va tabiiy boyliklari hamda velosiped turizmi imkoniyatlarini butun dunyoga tanitadi. Zero musobaqa besh qitʼaning 190 mamlakatida 13 tildagi jonli efirlari bilan butun dunyo eʼtiborini qozongan. Velotur marshruti Turkiyaning eng mashhur va yashirin marvaridlari boʻylab davom etadi va sportchilar har bir bosqichda apelsin, limon va mandarin bogʻlari, joʻka va timyan xushboʻy hidli yoʻllar, qaragʻay, zaytun va mastik daraxtlari bilan oʻralgan maftunkor manzaralar orqali oʻtuvchi yoʻllarni bosib oʻtishadi. Bundan tashqari, choy, kofe, simit kabi mahalliy turk taomlari, koʻzmunchoq kabi madaniy ramzlar xalqaro ekranlarda dunyo yuzini koʻradi.
Poyga Turk Riviyerasining yuragi Antaliyadan boshlanib, Kemer, Kalkan, Fethiye, Marmaris, Akyaka, Aydin, Kushadasi, Selchuk va Cheshme boʻylab davom etadi va Egey marvaridi Izmirda yakunlanadi. Antaliyadagi birinchi bosqichda (132 km) Kaleichi koʻchalari, Hadrian darvozasi va Yivli minorasi, shuningdek, qadimgi Silyon va Belek kabi shaharning tarixiy diqqatga sazovor joylaridan bahramand boʻlishadi. Kemer va Kalkan oʻrtasidagi keyingi bosqichda (167,4 km) velosipedchilar Patara plyaji, Yanartashning afsonaviy alangasi, Likiya marvaridlari Myra, Finike, Demre, Kash va ramziy Kaputash plyajidan oʻtishadi. Fethiye-Marmaris bosqichidagi (175,9 km) Kelebeklar vodiysi, Oʻlik dengizi, yoʻqolib borayotgan caret tacaretta toshbaqalari va Dalyan deltasining sehri poygaga oʻzgacha zavq bagʻishlaydi.
Toʻrtinchi bosqich Marmaris va Akyaka (115,4 km) yoʻnalishi boʻlib, u dengiz manzarali oʻrmon yoʻllari, yelkanli marshrutlar va kayt-syorfing plyajlari boʻylab davom etadi. Marmaris-Aydinbosqichida (151 km) qadimgi Afrodisias maydoniva Egeyning ramziy zaytun bogʻlari boʻyla byuriladi. Kushadasi-Selchuk bosqichi (161,4 km) YUNESKO maydoni Efes, Artemida ibodatxonasi va Bibi Maryam uyini, Selchuk-Cheshme yoʻnalishi (144,2 km) esa Shirinje qishlogʻi, Seferihisar va Cheshmeni oʻz ichiga oladi. Final Cheshme-Izmir bosqichi (105,7 km), Izmir soat minorasi, mahalliy lazzatlar, qadimiy joylar va mintaqaning mashhur uzumzorlari bilan yakunlanadi.
Turkiya Prezidentligi Velosiped Turi Xalqaro Velosipedchilar Uyushmasi (UCI) YevropaTurlari taqvimida “ProSeriyes” toifasiga kiritilgan poygalardan biri boʻlib, bu Turkiyaning global velosportdagi muhim rolini taʼkidlaydi. Qolaversa, mamlakatning velosiped imkoniyatlarini, xavfsiz toʻxtash joyi, velosipedlarni tozalash va taʼmirlash xizmatlari kabi koʻplab qulayliklarga ega qulay turarjoylarni ham namoyish etadi.
