Эдуарду Камавинга — франциялик ёш иқтидор “Ренн” клубидан 2021 йилда “Реал Мадрид”га кўчиб ўтди. У мадридликлар сафига бориб қўшилганидан кейин, ҳалигача асосий футболчига айлана олгани йўқ. Чунки бу клубда унинг позициясида ҳаракат қилувчи дунё юлдузлари бор.

Камавинга майдон марказида рақиб ҳужумларини бузиш ва ўз жамоасининг олдинга ўтишига вазият яратиш билан шуғулланади. “Реал”да бу вазифа билан Каземиро шуғулланиб келади. Сўзсиз Каземиро ўз ишининг устаси, шу сабабли у Камавингага асосий таркибни шунчаки топшириб қўймайди.

“Реал Мадрид”нинг янги мавсум учун тайёргарлик жараёни АҚШда бўлиб ўтди. Ушбу йиғинда Анчелотти жамоадаги деярли барча футболчилар билан индивидуал суҳбатлар ўтказди. Йиғин якунидаги “Ювентус”нинг мағлуб қилинишида (2:0) барча футболчилар янги мавсумга тайёрлиги кўринди.

Франциялик ярим ҳимоячи Мадридга келганидан кейин, кўпроқ ўйин амалиётига эга бўлиш учун ўзини ҳар томонлама кўрсатишга ҳаракат қилмоқда. Ҳар доим ўйинларда инқилоб қилиш учун Мадриднинг 25-рақами бор-йўғи 19 ёшда бўлишига қарамасдан “қироллик клуби”да ўйнаш учун етарли даражага эга эканлигини кўрсатди.

Камавинга ўзининг биринчи мавсумида етук эканлигини кўрсатди, аммо италиялик мураббий иккинчи мавсумда шошқалоқлик унга зарар этказиши мумкинлигини тушунтирди. Шу сабабли у янги мавсумда асосий таркибга киришдан кўра, кўпроқ дақиқаларни майдонда ўтказишга ҳаракат қилади.

Камавинга Мадридда бош қаҳрамон бўлишни хоҳлашдан ташқари, яқин ойларда Қатарда бўлиб ўтадиган Жаҳон чемпионатида иштирок этиш учун ҳаракат қилади. Бундан ташқари, у ёзги таътильда ўзини кўпроқ сиқиб қўйди. Чунки у Дешам билан яхши муносабатда бўлмади. Франция терма жамоаси сафида кўп ўйин амалиётига эга бўлмади. Унинг рақобатдоши Чуамени эса Дешам билан яхши муносабатда ва Жаҳон чемпионатига бориши деярли аниқ.

Анчелотти футболчига хотиржамликни тавсия қилмоқда. Мураббий у жуда муҳим ўйинчи бўлишини, ўтган йилгидан кўра унга кўпроқ дақиқалар тақдим қилишини айтилди. Агар у ўзини яхши кўрсатса, бошланғич таркибдан жой берилиши ҳам тавсия қилинди.

“Вальверде йўли”

Франциялик ярим ҳимоячининг “Реал”да ўрнак оладиган футболчиси — Вальверде. Уругвайлик футболчи икки йилдан бери асосий таркибга даъвогарлик қилиб келади. Бироқ ўтган йилнинг февралида у бошланғич таркибда туша бошлади. Вальверде яхши-ёмон кунларда ҳам ҳаракатдан тўхтамади ва шошилмади. Кўп ҳолларда унга нисбатан шубҳа билан қаралди. Лекин Феде кетишни ўйламади ва ўзига бериладиган имкониятларни кутди.

Машғулотлардаги ҳаракат ва берилган имкониятлардан фойдаланиш Феденинг асосий таркибда туша бошлашига сабаб бўлди. У ўтган мавсумнинг иккинчи ярмидан асосий таркибда мунтазам тушди.

У дунё юлдузлари бўлмиш Кроос ва Модричдан бирини захирада қолишга мажбур қила олди. Лекин у бу даражага чиқиш учун 2 йил кутди. Унинг сабр қилиши “Реал Мадрид”нинг ишончини тақдим қилди. Уругвайлик футболчи ишончга жавобан ўзини керакли ўйинларда юқори даражада кўрсатди. У мадридликларнинг ЕЧЛдаги 14-чемпионлигига ката ҳисса қўшди.

Сабр ва кучли ўйин Вальвердега янги мавсум олдидан ўтказилган ўртоқлик ўйинларида сардорлик боғичини ҳам олиб келди. Энди Анчелотти уни ёшлар таркиби ва янги келганларга ўрнак сифатида кўрсатишдан уялмайди.

Мадридда Камавин Эдегор йўлидан эмас, Вальверде йўлидан боришига умид қилишмоқда. Эдегор Мадридда ҳеч қачон сабр қилмади ва аввалига Зидан, кейинроқ эса Карлонинг ишончини йўқотди. Норвег ҳаттоки уч марта жамоадан кетиши маълум қилди. Бунга жавобан раҳбарият унинг кетиш ҳақидаги қарорини ҳурмат қилди ва қўйиб юборди.

Ҳозирда Камавинга билан вазият бошқача. У сабр қилмоқда ва имкониятлардан унумли фойдаланмоқда. Дон Карло эса: “футбол бўйича, у ҳамма нарсага эга”, деди.

Камавинга ҳозирда майдонда ва ундан ташқарида сайқалланмоқда. У тез орада ўз позитсиясида дунёнинг референтига айланиши мумкин. Чунки у Кроос, Модрич ҳамда Каземиродан кўп нарсани ўрганмоқда. У сабр-тоқатли бўлиб, камтарлик билан “Бермуд учбурчаги”дан ўрганишни давом эттирса, дунё юлдузига айланиши аниқ.