Сўнгги янгиликлар
АҚШ Венесуэлада нефть объектларини ҳимоя қилиш учун махсус элита жангчиларини жалб қилмоқчи
“Янги банк” фаолияти тўхтатилди. Омонатчиларга пулни ким қайтаради?
Махсус рейд. Тошкентда экологияга катта хавф туғдирган завод бошқа ҳудудга кўчирилади
ДХХ “Choco-Pie” ва “Pankie” ширинликлари ичига наркотик моддаларини яширган жиноий гуруҳни қўлга олди
Таиландда поезд ва қурилиш крани тўқнашди. Қурбонлар бор
Тиббиётда инқилоб. Ўзбек олимлари ақлли гидрогелни яратди
“Гренландия бу — халқники” — Еврокомиссия раиси Трампга ишора қилди
Ойда тун — ярим миллион долларга яқин: инсоният ақлдан оздими?
“Янги банк” фаолияти тўхтатилди. Омонатчиларга пулни ким қайтаради?
Марказий банк “Янги банк” акциядорлик жамиятига берилган банк лицензиясини бекор қилди. Қарор банк фаолиятида аниқланган қонунбузарликлар ва белгиланган талаблар бажарилмагани билан изоҳланди.
Марказий банк “Янги банк” акциядорлик жамиятига банк фаолиятини амалга ошириш ҳуқуқини берувчи лицензияни бекор қилди.
Ушбу қарор банк фаолиятида аниқланган камчиликларни бартараф этиш бўйича кўрилган чора-тадбирлар етарли даражада самара бермагани сабабли қабул қилинган. Хусусан, банкнинг устав капитали миқдори қонунчиликда белгиланган энг кам талаб даражасига етказилмагани, шунингдек, банклар ва банк фаолияти тўғрисидаги қонунчиликда назарда тутилган айрим талаблар бажарилмагани қайд этилган.
Банк фаолиятини қонунчиликда белгиланган тартибда тугатиш тўғрисида қарор қабул қилиниб, тугатиш комиссияси тайинланган ҳамда унга тугатиш жараёнларини бошқариш бўйича ваколатлар юклатилган.
Шу муносабат билан, “Янги банк” акциядорлик жамиятидаги омонатчиларнинг кафолатланган омонатлари бўйича компенсациялар қонунчиликда белгиланган тартиб ва миқдорларда Омонатларни кафолатлаш агентлиги томонидан тўланади.
Дастлабки ҳисоб-китобларга кўра, мавжуд 32 526 нафар омонатчидан 32 153 нафарига кафолатланган омонат суммалари тўлиқ қайтариб берилади. Омонатлар бўйича аниқ ҳисоб-китоблар Омонатларни кафолатлаш агентлиги томонидан алоҳида эълон қилинади. Қолган 373 нафар омонатчига тегишли кафолатланган маблағларнинг ортган қисми эса тугатиш комиссияси қарорига асосан қонунчиликда белгиланган тартибда қайтарилади.
.jpg)
