EFFECT.UZ – ҲАҚИҚАТ УЧУН!
Сўнгги янгиликлар
Тошкент шаҳар суди судьялари қандай ишламоқда?

Тошкент шаҳар суди судьялари қандай ишламоқда?

Бугун, 21 сентябрь куни Тошкент шаҳар суди ва Тошкент шаҳар маъмурий суди судьялари томонидан Тошкент шаҳар Яшнобод тумани “Беҳизор” маҳалла фуқаролар йиғинида сайёр қабул ўтказилди.

Ушбу сайёр қабулда Тошкент шаҳар суди раиси Эркин Хўжақулов, Тошкент шаҳар маъмурий суди раиси Улуғбек Алмамедов ва Тошкент шаҳар суди раис ўринбосарлари — фуқаролик ишлари бўйича судлов ҳайъати раиси Шуҳрат Аббосов, жиноят ишлари бўйича судлов ҳайъати раиси Акбарали Тўрабоев, иқтисодий ишлар бўйича судлов ҳайъати раиси Мақсудбек Саидов, фуқаролик ишлари бўйича Миробод туманлараро суди раиси Беҳзод Сагатов, жиноят ишлари бўйича Яшнобод туман суди раиси Аброр Саидов, Тошкент туманлараро маъмурий суди раиси Сухроб Йўлдошевлар фуқароларнинг мурожаатларини қабул қилишди.

Сайёр қабулда жами 74 нафар фуқаролар қабул қилинди.

Қабул қилинган фуқароларнинг 42 нафари жиноят ишлари бўйича, 26 нафари фуқаролик ишлари бўйича, 3 нафари иқтисодий ишлар бўйича ва 3 нафари маъмурий судларга оид мурожаатларни ташкил этди.

Шундан 48 нафар фуқаронинг оғзаки мурожаати, 26 та фуқаронинг ёзма мурожаатлари қабул қилинди.

Жами 74 та мурожаатлардан 47 таси бўйича ҳуқуқий тушунтиришлар берилди, 27 та мурожаат жойида ижобий ҳал этилиб, қаноатлантирилди.

Шунингдек, жиноят ишлари бўйича Яшнобод туман суди томонидан 18 нафар шахс жазони ўташдан муддатидан олдин озод қилинди, 4 нафар манзилли колонияда жазони ўтаётган фуқароларнинг жазоси енгилроғига алмаштирилиб, озодликни маҳрум қилиш жазосидан озод этилди.

Маълумот учун, Тошкент шаҳар суди ва Тошкент шаҳар маъмурий суди томонидан ўтказиладиган галдаги сайёр қабул эса 28 сентябрдаги Юнусобод туман фуқаролари учун бўлади.

 

 

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING