EFFECT.UZ – ҲАҚИҚАТ УЧУН!
Сўнгги янгиликлар
Бош прокуратура чет элдаги мигрантларга мурожаат қилди

Бош прокуратура чет элдаги мигрантларга мурожаат қилди

Ўзбекистон Бош прокуратураси чет элда бўлиб турган ўзбекистонликларни Россия ва Украина ўртасида бўлиб ўтаётган қуролли тўқнашувларда қатнашмасликка ва бу учун қонунчиликда қатор жавобгарликлар белгиланганлигини маълум қилди. 

Қонунчиликка кўра, Жиноят кодексининг 154-моддаси биринчи қисмига кўра ёлланиш, яъни низолашаётган давлатнинг фуқароси ёки ҳарбий хизматчиси ҳисобланмаган ёхуд назорат қилиниб турган низолашаётган давлат ҳудудида доимий яшамайдиган ёки ҳеч қандай давлат томонидан қуролли кучлар таркибида расмий топшириқни бажариш ваколати берилмаган шахснинг моддий манфаатдорлик ёки бошқа бирон шахсий манфаатни кўзлаб, ўзга давлат ҳудудида ёки унинг тарафини олиб қуролли тўқнашувда ёхуд ҳарбий ҳаракатларда қатнашиш учун ёлланиши беш йилдан ўн йилгача озодликдан маҳрум қилиш билан жазоланади. 

Шунингдек, Жиноят кодексининг 154-1-моддасига кўра, Ўзбекистон Республикаси фуқаросининг чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга кириши 3 йилгача ахлоқ тузатиш ишлари билан, ёлланиши эса 5 йилгача озодликдан маҳрум қилиш билан жазоланишига сабаб бўлади. 

Чет мамлакатларда бўлиб турган ҳамюртларимиздан ҳарбийлашган тузилмаларга ёлланмасликка, ҳарбий ҳаракатларда иштирок этмасликка чақирамиз ва бундай ҳаракатлар жиноий жавобгарликка сабаб бўлиши ҳақида яна бир бор огоҳлантирамиз”, — дейилади хабарда. 

Эслатиб ўтамиз, бугун, 21 сентябрь куни Владимир Путин рус ҳалқига видеомурожаат қилиб, унда Украинани демилитаризация қилиш ва денасионализация қилиш ҳамда Донбассни озод қилиш бўйича махсус ҳарбий операциянинг бориши, шунингдек, Россия суверенитети ва яхлитлигини ҳимоя қилиш чоралари ҳақида гапирди ва қисман сафарбарлик тўғрисидаги фармонни имзолаганини маълум қилди.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING