EFFECT.UZ – ҲАҚИҚАТ УЧУН!
Сўнгги янгиликлар
«Нега улар ўлиши керак? Путин саройи учунми?» — Россияда оммавий митинг бўлиши кутилмоқда

«Нега улар ўлиши керак? Путин саройи учунми?» — Россияда оммавий митинг бўлиши кутилмоқда

“Весна” ҳаракати қисман сафарбарликка қарши “”могилизация” йўқ” умумроссия норозилик митингини эълон қилди.

Фаоллар мамлакат аҳолисини 21 сентябрь куни соат 19:00 да Россия шаҳарларининг марказий кўчаларига чиқишга чақирди.


Минглаб рус эркаклари - оталаримиз, акаларимиз ва эрларимиз - уруш гўшт майдалагичига ташланади. Улар нима учун ўлишади? Оналар ва болалар нима учун кўз ёшларини тўкадилар? Путин саройи учунми? Энди уруш ҳақиқатан ҳам ҳаммага келади ҳар бир оила учун”, — дейилади ҳаракат баёнотида.

Ташкилотчилар Москва ва Санкт-Петербургда акция ўтказиладиган жойларни кейинроқ эълон қилишини эълон қилади.

Таъкидлаб ўтиш жоиз, Россия президенти Владимир Путин русларга мурожаатида мамлакатда 21 сентабрда бошланадиган қисман сафарбарлик эълон қилди.

Унга кўра, муддатли ҳарбий хизматга резервда бўлган, биринчи навбатда, Қуролли Кучлар сафида муддатли ҳарбий хизматни ўтаган, муайян ҳарбий мутахассислик ва тегишли тажрибага эга бўлган фуқаролар чақирилади.

Эълон қилинган фармонга кўра, қисман сафарбарлик даврида ҳарбий хизматдан ёши, соғлиғи ва суднинг озодликдан маҳрум қилиш тўғрисидаги ҳукмига кўра бўшатиш мумкин.

Шаҳар губернаторлари сафарбарликка чақирувни Мудофаа вазирлиги томонидан ҳар бир ҳудуд бўйича белгилаб берадиган миқдор ва муддатларда таъминлаш топширилган.

Ҳарбий-саноат комплекси корхоналарида ишлаётган фуқаролар муддатли ҳарбий хизматни кечиктириш ҳуқуқини олдилар.

Россия мудофаа вазири Сергей Шойгу Украинадаги урушга 300 минг заҳирадаги аскар чақирилишини айтди. Унинг қўшимча қилишича, “хизматни ўтаган, ҳарбий мутахассислик ва жанговар тажрибага эга бўлган ва бу умумий сафарбарлик ресурсининг 1 фоизини ташкил этувчи шахслар сафарбарликка тортилади”.  

Мудофаа вазири сафарбарлик талаба ва чақирилувчиларга таъсир қилмаслигига ишонтирди. Бироқ, сафарбарлик тўғрисидаги фармонда сафарбарликка тортилиши керак бўлган фуқаролар тоифалари батафсил тавсифланмаган, дейди ҳуқуқ ҳимоячиси Павел Чиков. 

Унинг сўзларига кўра, мазкур ҳужжат ҳарбий хизматга чақирилувчиларни чекланмаган миқдорда сафарбар этиш имконини беради.

У иложи борича кенгроқ шакллантирилган. Президент ўз ихтиёрини мудофаа вазирига қўяди. Аслида кимни, қаердан ва қанча миқдорда урушга жўнатишни Россия Федерацияси Мудофаа вазирлиги ҳал қилади. Механизм қуйидагича бўлади: Мудофаа вазирлиги Россиянинг ҳар бир минтақаси учун сафарбарлик учун квоталар тузади. Уларнинг бажарилиши учун губернаторлар жавобгар бўлади”, - деб ёзган Чиков.

Аввалроқ, 23-27 сентябрь кунлари Россия ҳукумати ДХР ва ЛХР, Херсон ва Запорожье вилоятларининг Россия назоратидаги қисмларида Россия Федерацияси таркибига қўшилиш бўйича референдум ўтказиши маълум бўлган эди. Украина бундай овоз бериш натижаларини тан олмаслигини бир неча бор таъкидлаган.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING