“Келажак” марказларида ўқиш учун ота-оналар бадали миқдорлари белгиланди

 Ҳукуматнинг 2025 йил 10 декабрда қабул қилинган 776-сон қарори билан “Келажак” марказларида ўқиганлик учун ота-оналар бадалини ундириш ва ундан фойдаланиш тартиби тасдиқланди. Унга кўра, тўлов миқдорлари ҳудудлар кесимида БҲМга нисбатан белгиланади ва 2026 йилдан босқичма-босқич жорий этилади.

Ҳукумат қарорига мувофиқ, “Келажак” марказларида ўқиганлик учун ойлик ота-оналар бадали қуйидаги миқдорларда белгиланди:

2026 йил 1 январдан: – Тошкент шаҳрида — БҲМнинг 30 фоизи
– Вилоятлар марказларида — 25 фоизи
– Республиканинг қолган туман (шаҳар)лари, шунингдек Қорақалпоғистон Республикасининг Нукус шаҳри ва Хоразм вилоятининг Урганч шаҳрида — 15 фоизи
– Қорақалпоғистон Республикаси ва Хоразм вилоятининг қолган туман (шаҳар)ларида — 10 фоизи

2026 йил 1 сентябрдан: – Тошкент шаҳрида — БҲМнинг 60 фоизи
– Вилоятлар марказларида — 50 фоизи
– Республиканинг қолган туман (шаҳар)лари, Нукус ва Урганч шаҳарларида — 30 фоизи
– Қорақалпоғистон Республикаси ва Хоразм вилоятининг қолган туман (шаҳар)ларида — 20 фоизи

Қарор билан тасдиқланган низомга кўра, жорий ой учун тўлов ҳар ойнинг 10-санасига қадар амалга оширилиши лозим. Сентябрь ойи учун тўлов эса 30-санага қадар тўланади.

Шунингдек, қуйидаги тоифадаги ўқувчилар ота-оналар бадалини тўлашдан озод этилади:
– “Камбағал оилалар реестри”га киритилган оилалар фарзандлари (таълим олувчилар умумий сонининг 15 фоизи доирасида)
– Алоҳида таълимга эҳтиёжи бўлган болалар учун ихтисослаштирилган мактаб ва мактаб-интернат ўқувчилари
– Етим ва ота-она қарамоғидан маҳрум бўлган болалар, шунингдек умумий ўрта таълим ташкилотларининг инклюзив синфларида таълим олаётган алоҳида таълим эҳтиёжлари бўлган ўқувчилар

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг