Фарғонада 14 ёшли қиз бильярдхонада зўрланди. 4 нафар гумонланувчилар қўлга олинган

Фарғона вилояти Учкўприк туманида 9 январь куни вояга етмаган қизга нисбатан жинсий зўравонлик содир этилди. Ҳодиса юзасидан тўрт нафар гумонланувчи қамоққа олинди.

9 январь куни Учкўприк тумани, Кенагас қишлоғида ўзи Буйрак қишлоғида яшовчи вояга етмаган қизни тўрт йигит навбат билан зўрлашган. Улар қизни олдиндан ижарага олинган, Кенагас қишлоғида жойлашган бильярдхонада жинсий зўравонлик содир этганлар.

Йигитларнинг уч нафари Кенагас қишлоғидан, яна бири эса Боғдод туманининг Қўштегирмон қишлоғидан экани аниқланган.

Тергов маълумотларига кўра, йигитлардан бири “Lacetti” русумли автомашинада қизни бильярдхонага олиб келган. Қизни таниганлар унинг руҳий соғлигида муайян муаммолар мавжудлигини таъкидламоқда.

Воқеадан сўнг қизнинг онаси туман Ички ишлар бўлимига мурожаат қилган. Ҳуқуқни муҳофаза қилувчи органлар томонидан дастлаб жами етти нафар шахс ушланган. Улардан тўрт нафарига нисбатан эҳтиёт чора сифатида қамоққа олиш чораси қўлланилган, қолган уч нафар шахс эса қўйиб юборилган.

Қўлга олинган шахслар 2002 йилда туғилган бўлиб, улардан бири оилали ва икки нафар фарзандга эга экани маълум қилинмоқда.

“Effect.uz”ни “Telegram”да кузатинг

“Effect.uz”ни “Facebook”да кузатинг

“Effect.uz”ни “YouTube”да кузатинг

Effect.uz'ни Инстаграмда кузатинг