title

Сўнгги янгиликлар

12:16 / 2025-12-19 322

Навоийда 300 МВт қувватли электр энергиясини сақлаш тизими қурилади

19:44 / 2025-12-18 377

Касбий таълим ташкилотларини комплекс давлат аккредитациясидан ўтказиш мезонлари тасдиқланди

11:19 / 2025-12-18 384

Саида Мирзиёева Ургутга янги темирйўл орқали сафар қилди

09:14 / 2025-12-18 446

Москва вилояти мактабларидан бирида 10 ёшли бола пичоқли ҳужум оқибатида ҳалок бўлди

20:33 / 2025-12-17 381

“An Istanbul Story” — Истанбулнинг янги руҳи замонавий ҳикоя орқали намоён бўлди

19:42 / 2025-12-17 419

Конституциявий шикоят институти самарадорлиги оширилади

21:31 / 2025-12-16 500

Тадбиркорлик соҳасида 1 600 дан ортиқ маъмурий талаблар бекор қилинди

09:37 / 2025-12-15 502

Ўзбекистонда “Электрон рецепт” тизими босқичма-босқич жорий этилмоқда – ССВ

15:14 / 2025-08-26 775 0 Ҳодисалар

Ўзбошимча фуқаролар сабаб жамият ва давлат манфаатларига 460 миллион сўмдан ортиқ зарар етказилди

Бош прокуратура ҳузуридаги Департаментнинг Чуст тумани бўлими томонидан тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.

Унда айтилишича, ўтказилган терговга қадар текширувлар давомида фуқаролар М.Т. ва Ф.Х. ўзларига тегишли биноларда тижорат мақсадида электр тармоғига ўзбошимчалик билан тўғридан-тўғри уланиб олганлиги фош қилинган.

Дастлабки маълумотларга кўра, фуқаролар ушбу ноқонуний ҳаракатлари натижасида жами 148,4 миллион сўмлик электр энергиясидан ноқонуний фойдаланганликлари маълум бўлган.

Шу каби яна бир ҳолат департаментнинг Риштон тумани бўлими томонидан ўтказилган терговга қадар текширувда ҳам аниқланган.

Унда «Н.Л.» МЧЖ раҳбари З.М. ишлаб чиқариш биносидаги иситиш қозонини тижорат мақсадида умумий фойдаланишдаги табиий газ тармоғига ўзбошимчалик билан улаб олган. Натижада 186 миллион сўмлик табиий газдан ноқонуний фойдалангани фош бўлган.

Бундан ташқари, департаментнинг Бувайда туман бўлими томонидан ўтказилган терговга қадар текширувларда «Ш.З.» фермер хўжалиги раҳбари Р.Б. электр тармоғига ва «С.Ф.» оилавий корхонаси раҳбари И.А. (муқаддам судланган) умумий фойдаланишдаги табиий газ тармоғига тижорат мақсадида ўзбошимчалик билан уланиб, жами 126,1 миллион сўмлик энергия ресурсларидан ноқонуний фойдаланган.

Ҳозирда мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари бошлаб юборилган.