EFFECT.UZ – ҲАҚИҚАТ УЧУН!
Сўнгги янгиликлар
Самвел Бабаян жарима билан қутилиб қолди

Самвел Бабаян жарима билан қутилиб қолди

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда Суперлиганинг 18-тури доирасидаги «Сўғдиёна» — «Навбаҳор» учрашуви якунлангандан сўнг наманганликлар бош мураббийи Самвел Бабаян ва маҳаллий мухлис ҳамда ОАВ вакили иштирокида вужудга келган вазият ўрганиб чиқилди. Бу ҳақида ЎФА якуний қарорни маълум қилди.

2022 йилнинг 10 сентябрь куни Ўзбекистон Профессионал футбол лигасига Суперлиганинг 18-тури доирасидаги «Сўғдиёна» — «Навбаҳор» учрашуви комиссаридан келиб тушган билдиргига асосан, Самвел Бабаян учрашув якунлангандан сўнг матбуот анжумани залига кириш чоғида маҳаллий мухлис билан тортишгани, мазкур ҳолатни ўзининг телефони орқали видео тасвирга тушириб турган чампионатациа.уз сайти фотомухбири Жаҳонгир Файзуллаевни кўриб қолгани, Самвел Бабаян ўз ёрдамчиларига ушбу телефонга ёзилган видео материални ўчиришини буюргани, ёрдамчилари эса журналистга тазйиқ ўтказиб телефондаги ёзувларни ўчиртиришга мажбур қилгани аниқланди.

Мазкур вазият Тартиб-интизом қўмитасининг йиғилишида «Навбаҳор» бош мураббийи Самвел Бабаян, чампионатациа.уз сайти фотомухбири Жаҳонгир Файзуллаев, ушбу сайт журналисти Фахриддин Рўзиев иштирокида кўриб чиқилди. Йиғилишда тарафларнинг кўрсатмалари, тақдим этилган маълумотлар асосида Самвел Бабаян этика қоидаларига зид хатти-ҳаракатлар содир этган деб топилди.

Тартиб-интизом қўмитасининг қарорига кўра, Самвел Бабаянга нисбатан жарима интизом чораси қўлланилди.

Эслатиб ўтамиз, аввалроқ Бабаяннинг лицензияси вақтинчага олиб қўйилганлиги ҳақида хабар берган эдик.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING