Сўнгги янгиликлар
Юқори Чирчиқда юк автомобили ҳаракатсиз турган «Cobalt»га урилиб, ағдарилиб кетди
«Сабрнинг ҳам чегараси бор»: Самарқандлик тадбиркорнинг йиллар давомида ҳал қилинмаётган мурожаати…
Uzbekistan Airports 6,8 млрд сўмлик давлат харидини қонунга зид тарзда ўтказгани фош бўлди
Караҳантепада ноёб кашфиёт: илк уч ўлчовли ҳайкалчалар топилди
2 миллиарддан ортиқ сумма тадбиркор ҳисобига қайтарилди
Ҳоким ёрдамчилари жами 40 млрд сўмлик кредитни талон-торож қилди
Уч ҳудудда фуқароларни ўқишга киритиб қўйишни ваъда қилган фирибгарлар қўлга тушди
Ўзбекистонда оилалар сони 10 миллиондан ошди
Уч ҳудудда фуқароларни ўқишга киритиб қўйишни ваъда қилган фирибгарлар қўлга тушди
Ҳозирда мазкур ҳолатлар юзасидан Жиноят кодексининг 25, 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари бошлаб юборилган.
Бош прокуратура ҳузуридаги Департаментнинг Оҳангарон шаҳри бўлими ва бошқа ҳуқуқни муҳофаза қилувчи орган ходимлари ҳамкорлигида тезкор тадбир ўтказилди, деб хабар бермоқда Иқтисодий жиноятларга қарши курашиш департаменти.
Унда айтилишича, ўтказилган тезкор тадбир давомида «И.Й.» нодавлат олий таълим муассасаси бўлим бошлиғи Б.А. 4 нафар фуқарони ушбу олийгоҳга 3-курсдан ўқишга киритиб қўйиши эвазига ҳар бири учун 1 000 АҚШ доллари бериши кераклигини айтган.
Қонунбузар жами 4 минг АҚШ долларини олган вақтида тезкор тадбир ходимлари томонидан ашёвий далиллар билан қўлга олинган.
Шу каби яна бир ҳолат, департаментнинг Бухоро шаҳри бўлими ва ИИБ ходимлари ҳамкорлигида ўтказилган тезкор тадбирда ҳам аниқланган.
Унга кўра, фуқаро А.И. фуқаро Н.Ш.нинг ишончига кириб, қўшни Қирғизистон Республикасидаги олий таълим муассасасида ўқиганлиги тўғрисида ҳужжат расмийлаштириб, гўёки таълим муассасалари қабул комиссиясида ишловчи танишлари орқали Бухоро инновацион тиббиёт институтига 3-курсдан ўқишга киритиб қўйиши эвазига 3 минг АҚШ долларини олган вақтида ашёвий далиллар билан ушланган.
Бундан ташқари, департаментнинг Пискент тумани бўлими, ДХХ ва ИИБ ходимлари ҳамкорлигида ўтказилган тезкор тадбирда фуқаролар Ж.Э. ва Б.А. фуқаро К.Х.нинг ишончига кириб, уни гўёки Тошкент давлат иқтисодиёт университетида ишловчи танишлари ёрдамида мазкур университетга ўқишга киритиб қўйиши эвазига 2 минг АҚШ доллари сўраган.
Шундан сўнг, фуқаролар Ж.Э. ва Б.А. келишилган 2 минг АҚШ доллари миқдоридаги маблағни олган вақтида тезкор тадбир ходимлари томонидан қўлга олинган.
