Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Блогер Азиз Ҳакимов Шерзодхон Қудратхўжани ҳақорат қилгани учун жаримага тортилди
Ҳакимовга ҳақорат ва ёлғон маълумот тарқатгани учун маъмурий жарима чораси қўлланилган.
Шунингдек, блогер фуқароларимизни хорижий қуролли кучларга ёлланишни илгари сурувчи материалларни тарқатаётганлиги айтилмоқда.
Шерзодхон Қудратхўжанинг маълум қилишича, Ҳакимов уни омма олдида ҳақорат қилган ва нацизмда айблаган. Учтепа тумани жиноят ишлари бўйича суди Маъмурий жавобгарлик тўғрисидаги кодекснинг 202-2-моддаси 1-қисмига (Шахснинг қадр-қиммати камситилишига ёки унинг обрўсизлантирилишига олиб келадиган ёлғон ахборотни тарқатиш, шу жумладан оммавий ахборот воситаларида, телекоммуникация тармоқларида ёки интернет жаҳон ахборот тармоғида тарқатиш) асосан блогерни айбли деб топган ва базавий ҳисоблаш миқдорининг 50 баравари — 18 млн 750 минг сўм миқдорида жарима жазоси тайинлаган.
Шерзодхон Қудратхўжа ишни жиноий тоифага ўтказиш ниятида эканини билдирган. Шунингдек, у блогердан 500 млн сўм товон пули ундириш, омма олдида кечирим сўраш ва унга оид барча видеоларни ўчиришни талаб қилмоқда.
Суд мазкур талабларни фуқаролик ишлари бўйича суд тартибида кўриб чиқиш мумкинлигини қайд этиб, Қудратхўжага тегишли судга мурожаат қилиш тартибини тушунтирган.
Жамоатчилик фаоли Никита Макаренко ўз Telegram каналида: «Азиз Ҳакимов ЎзССРни мадҳ этувчи ва Ўзбекистон мустақиллиги қадрини пасайтирувчи, Украинадаги урушни тарғиб қилувчи, шунингдек, фуқароларимизни хорижий қуролли кучларга ёллашни илгари сурувчи материалларни фаол нашр этади. Масъул идоралардан ушбу ҳуқуқбузарликлар бўйича ҳам тегишли иш қўзғатишларига умид қиламан», дея ёзмоқда.
.jpg)
