Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Ўзбекистонда Умрага юборувчилар бўйича "Сирли мижоз" яширин назорат тадбирлари ўтказилади
Дин ишлари бўйича қўмита қарори билан Умра тадбирларини ташкил этиш ва ўтказиш фаолиятида назорат харидини амалга ошириш тартиби тасдиқланди.
Дин ишлари бўйича қўмита умрага юборувчилар бўйича “Сирли мижоз” яширин назорат тадбирлари ўтказилишини маълум қилди. Қўмита қарори билан умра тадбирларини ташкил этиш ва ўтказиш фаолиятида назорат харидини амалга ошириш тартиби тасдиқланди.
Унда қайд этилишича, “Сирли мижоз” тадбиридан умра тадбирларини ташкил этиш ва ўтказиш фаолиятида истеъмолчиларнинг ҳуқуқларини ҳимоя қилиш, лицензияга эга бўлмаган шахслар томонидан ноқонуний хизматлар кўрсатилишини барвақт аниқлаш ва олдини олиш maqsad qilingan.
“Сирли мижоз” тадбири қонунийлик, холислик ва адолатлилик принсипларига асосланган ҳолда қўмита масъул ходимлари томонидан амалга оширилади. Ушбу тадбир текшириш ёки тадбиркорлик фаолиятига аралашиш ҳисобланмайди, бундай тадбирлар “Ягона давлат назорати” ахборот тизимида рўйхатга олинмайди.
Ушбу тадбир умра хизматларини ноқонуний амалга ошираётган жисмоний ёки юридик шахслар фаолиятини барвақт аниқлаш мақсадида қўмита ташаббуси билан ташкил этилади ва ўтказилади.
Тадбир қуйидаги манбалардан олинган маълумотлар асосида ташкил этилади:
- жисмоний ва юридик шахслар томонидан умра хизматини кўрсатиш фаолияти
- юзасидан қўмитага келиб тушган мурожаатлар;
- давлат органлари ва бошқа ташкилотлар томонидан тақдим этилган маълумот,
- таҳлил ва хулосалар;
- оммавий ахборот воситалари, Интернет жаҳон ахборот тармоғидаги вебсайтлар, ижтимоий тармоқлар ва бошқа очиқ манбаларда тарқалган маълумотлар;
- “Хавфни таҳлил қилиш” электрон тизимида ҳуқуқбузарлик содир этиш хавфи ўрта ва юқори даражада баҳоланган тадбиркорлик субектлари тўғрисидаги маълумотлар.
Қўмита масъул ходими умра хизматларини ноқонуний амалга оширишда гумон қилинаётган жисмоний ёки юридик шахснинг олдига мижоз сифатида боради ва ундан ўзига умра хизмати кўрсатилишини сўрайди ҳамда қуйидаги маълумотларни йиғади:
- умра хизматини кўрсатиш учун тегишли лицензия мавжудлиги (расмий ҳужжат ёки оғзаки маълумот асосида);
- умра хизматини кўрсатиш шартлари (муддати, нархи ва бошқалар);
- умра хизмати учун тўлов усули ва ҳисоб рақами.
- “Сирли мижоз” тадбири давомида яширин диктофон ёки видео кузатув мосламаларидан фойдаланилиши мумкин.
Тадбири натижалари бўйича далолатнома тузилади ва қўмитанинг ваколатли таркибий бўлинмасига тақдим этилади. У беш иш куни ичида кўриб чиқилади. Ҳуқуқбузарлик ҳолатлари аниқланса, қонунчиликда белгиланган тартибда текширувлар ўтказиш ёки ҳуқуқни муҳофаза қилувчи органларга материалларни юбориш бўйича таклифлар тайёрланади.
.jpg)
