title

Сўнгги янгиликлар

21:10 / 2025-10-28 496

Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди

11:38 / 2025-10-28 553

Истанбул – қадим тарих ва маданият ўчоғи

16:35 / 2025-10-28 962

Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар

23:47 / 2025-10-28 1082

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 1083

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 1046

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 1123

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 1327

Ўртаҳисар “Дунёнинг энг гўзал 50 қишлоғи” рўйхатига киритилди

18:18 / 2025-08-09 372 0 Ҳодисалар

Қорақалпоғистонда психофаол дорилар савдоси билан шуғулланиб келган шахс ушланди

Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.

Қайд этилишича, Департаментнинг Мўйноқ тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда дори воситалари савдоси билан шуғулланиб келган Ж.Б. фуқаро А.Р.га 140 та капсуладаги «Molecule Plus» номли инсон руҳиятига кучли таъсир қилувчи дори воситасини 1,4 млн сўмга сотган вақтида ушланган. Унинг ёнидан сотиш мақсадида олиб келинган 6 турдаги жами 886 дона кучли таъсир қилувчи дори воситалари ашёвий далил сифатида олинган.

Департаментнинг Нурафшон шаҳри бўлими ва ИИБ ходимлари ҳамкорлигида ўтказилган тезкор тадбирда эса фуқаро Ж.И.нинг бошқарувидаги «Matiz» русумли автомашинаси тўхтатилиб, ундан 10 дона оқ-қизил рангли капсуладаги дори воситаси ашёвий далил сифатида олинган.

Шундан сўнг Тошкент шаҳри, Шайхонтоҳур туманида давом этган тадбирда Ж.И.га 900 минг сўм эвазига дори воситаларини етказиб берган фуқаро М.М.дан 10 дона оқ-қизил рангли капсула кўринишдаги ҳамда «Karbaleks» номли 5 дона дори воситаси ва 900 минг сўм ашёвий далил сифатида олинган.

Мазкур ҳолатлар юзасидан Жиноят кодексининг 251-1-моддаси (гиёҳвандлик воситалари, уларнинг аналоглари ёки психотроп моддалар ҳисобланмайдиган кучли таъсир қилувчи моддаларни тарғиб қилувчи маҳсулотни тайёрлаш, тарқатиш, реклама қилиш, намойиш этиш ёки бундай моддаларни ёхуд заҳарли моддаларни қонунга хилоф равишда муомалага киритиш) билан жиноят ишлари қўзғатилиб, тергов ҳаракатлари ўтказилмоқда.