Сўнгги янгиликлар
Она фарзандини васийлик ва ҳомийлик ташкилотига топширишни ҳоҳламаган
«Афсуски, айрим «Ишонч телефонлари» номига ташкил қилинган ёки умуман ишламайди» – Акмал Бурхонов
«Босим ўтказилаётгани тўғрисидаги хабарлар асоссиз» – «Ўзбектелеком» HUMANS иши бўйича муносабат билдирди
Ўзбекистоннинг ветеринария соҳасидаги тажрибаси халқаро миқёсда эътироф этилди
Туркияда “Тунги музейлар” лойиҳаси июнь ойида янги мавсумини бошлайди
Ўзбекистонга C гепатитига қарши дорининг жорий йилдаги илк партияси олиб келинди
Қибрайликлар оёққа турди. Сабаби нима?
5 минг йиллик тарихга эга Бирги қишлоғи ҳақида нималар маълум?
Туркияда ёнғин оқибатида 19 ёшли ўзбекистонлик ҳалок бўлди
Жорий йилнинг 21 апрель куни Истанбул шаҳри Кадикой туманининг Фикиртепа мавзесида содир бўлган ёнғин оқибатида 19 ёшли Ўзбекистон фуқароси ҳалок бўлди.
Маҳаллий манбаларга кўра, ёнғин уч нафар чет эллик фуқаро яшаган уйнинг бирида, тунги соат 02:30 лар атрофида юз берган.
Ўзбекистоннинг Истанбул шаҳридаги Бош консулхонаси хабар беришича, 24 апрель куни мазкур ёнғин оқибатида вафот этган Ўзбекистон фуқаросининг жасадини Ватанга қайтарилган. Жараён Бош консулхона ва Вазирлар Маҳкамаси ҳузуридаги Миграция агентлиги ҳамкорлигида амалга оширилган.
Қайд этилишича, марҳумнинг жасадини Ўзбекистонга юбориш билан боғлиқ барча харажатлар Миграция агентлиги томонидан тўлиқ қоплаб берилган.
Бош консулхона, шунингдек, ижтимоий тармоқларда айрим шахслар томонидан марҳумни Ўзбекистонга юбориш учун ёрдам пули йиғилаётгани ҳақида ёлғон ва асоссиз маълумотлар тарқатилаётганини айтиб, фуқароларни огоҳликка чақирган.
«Консулхона фуқароларимизни бу каби нотўғри хабарларга ишонмасликка ва расмий манбаларга таянишга чақиради», дейилади хабарда.
Эслатиб ўтамиз, жорий йилнинг 14 апрель куни Россия Федерациясининг Астрахан вилоятида икки енгил автомобиль тўқнашуви оқибатида бир отланинг икки аъзоси (ота-она) ҳалок бўлгани, уларнинг 12 ёшли ўғли ҳодиса оқибатида жароҳатлангани ҳақида хабар берилган эди.
Болалар омбудсманига кўра, ҳозирда бола Ўзбекистонга олиб келиниб, қариндошлари (онасининг синглиси) қарамоғига топширилган.
