Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Наманган шаҳар ҳокими ноқонуний ўрнатилган радарларни олиб ташлашни сўради
Наманган шаҳар ҳокими ҳудудларда фуқаролар норозилигига сабаб бўлаётган, белгиланган тартибларга зид тарзда ўрнатилган фоторадарларни олиб ташлашни сўраб, вилоят Йўл ҳаракати хавфсизлиги бошқармаси (ЙҲХБ) бошлиғига расмий хат йўллади.
Хатда таъкидланишича, аҳоли, айниқса ёшлар иштирокида ўтказилган учрашув ва муҳокама йиғилишларида автомобиль йўлларига ўрнатилган автоматлаштирилган фото ва видео қайд этиш қурилмалари орқали қўлланилаётган жарималар жамоатчилик норозилигини келтириб чиқармоқда. Ижтимоий тармоқларда бу ҳолат мамлакат бошқарув тизимига нисбатан салбий фикрлар пайдо бўлишига ҳам сабаб бўлаётгани қайд этилган.
Шунингдек, шаҳар ва туман ободонлаштириш бошқармаларининг ёритиш таянчларига, бино ва иншоотлар том қисмига белгиланган меъёрларга зид равишда ўрнатилган радарлар орқали қўлланилаётган жарималар фуқароларга моддий ва маънавий зарар етказаётгани айтилган.
Хусусан, Наманган шаҳри, Давлатобод ва Янги Наманган туманларида Вазирлар Маҳкамасининг қарорига зид равишда ўрнатилган камераларни КААТ (комплекс ахборот аналитик тизими)дан ўчириш ҳамда улар асосида қўлланилган жарималарни тўхтатиш сўралган.
Эслатиб ўтамиз, яқинда ҳукумат белгиланган тезликдан ошиб кетган ҳолатларда қўлланиладиган чегирмаларни оширишга оид қонун лойиҳасини парламентга тақдим этгани ҳақида хабар берилган эди.
.jpg)
