Босқинчилар томонидан жағи синдирилган Обамеянг воқеа қандай бўлгани ҳақида гапирди
"Барселона"нинг габонлик ҳужумчиси Пьер-Эмерик Обамеянг Кастельдефельсдаги уйида босқинчилар ҳужумига учради.
Маълум бўлишича, тўрт нафар эркак қуроллар билан Обамеянг ва оила аъзоларига таҳдид қилган ҳолда, боғга олиб киришган ҳамда сейфни очишга мажбурлашган. Шундан сўнг, босқинчилар қимматли буюмларни олиб автомобилда қочиб кетишган.
Қайд этиш керакки, Обамеянгнинг рафиқаси уни кўз ўнгида калтакланган. Футболчининг ўзи ҳам калтакланган ва жағ қисмидан жароҳат олган. Ушбу вазиятдан кейин футболчи ўзининг ижтимоий тармоқларида ўз фикрини билдирди.
"Салом болалар, барча хабарлар учун катта раҳмат. Якшанба куни кечқурун баъзи зўравон қўрқоқлар уйимизга бостириб кириб, оилам ва болаларимни қўрқитишди. Улар шунчаки нарсаларни ўғирлашди.
Менинг жағимни жароҳатланди, лекин мен тез орада тузалиб кетаман. Муҳими бошқа ҳеч кимга жисмоний зарар етмаган.
Бироқ, энди ўз уйимизда хавфсиз эмаслигимиз мени қўрқувга солмоқда. Лекин биз оила сифатида буни енгиб, ҳар қачонгидан ҳам кучлироқ турамиз. Барча қўллаб-қувватлаш учун раҳмат, бу биз учун жуда кўп нарсани англатади", деди Обамеянг.
«Улашинг»
