Сўнгги янгиликлар
Президент Шавкат Мирзиёев: “Бу боғда ерга меҳр, сидқидилдан қилинган меҳнат кўриниб турибди. Натижаси, аввало, даромад, халқимизга манфаат”
Бўстонлиқда туризм салоҳиятини оширадиган янги “Чимён” умуммавсумий курорти қурилмоқда
Саккиз ойда 3 мингга яқин бола турли жиноятлардан жабрланди
Украинада ҳарбий поездда ўқ-дорилар портлади
Ўзбекистонда янги ҳафта салқин ва ёмғирли об-ҳаво билан бошланади
Наманганда 7,2 млрд сўмлик яширин дори омборлари аниқланди
Ливерпул рингларида дастлабки ғалаба: Эркинбоевдан олтин, олдиндa 7 финал
Хитой компаниялари Ўзбекистондаги сармоя бозорида етакчилик қилмоқда
Россияда ўзбекистонлик йигит ўғирлаб кетилди
Ҳолат юзасидан жиноят иши қўзғатилиб, гумондорларга қандай эҳтиёт чораси қўллаш масаласи кўриб чиқилмоқда.
Россиянинг Санкт-Петербург шаҳрида бир гуруҳ эркаклар 21 ёшли Ўзбекистон фуқаросини ўғирлаб, унинг қайтарилиши учун 40 минг рубль талаб қилди. Бу ҳақда 78.ru хабар берди.
Нашрнинг ёзишича, жорий йилнинг 30 март куни маҳаллий аёллардан бири полицияга қўнғироқ қилиб, унинг ўғли одам ўғирлигига гувоҳ бўлганини хабар қилган. Маълум бўлишича, Халтурин кўчасида 6-7 кишидан иборат гуруҳ мигрантни дўппослаб, ёнида турган машинага мажбуран ўтқазган. Жабрланувчининг ҳамроҳи ҳам ўз ихтиёри билан автомобилга ўтирган. Шундан сўнг машина воқеа жойидан ғойиб бўлган.
Бироз вақт ўтгач, жабрланувчининг 23 ёшли акаси ҳам полицияга мурожаат қилган. Унга номаълум шахслар қўнғироқ қилиб, 21 ёшли укаси Шохбозбек уларнинг қўлида эканини ва уни қайтариш учун 40 минг рубль талаб қилаётганини билдирган.
Шунингдек, гувоҳлар ҳам 30 март куни соат 19:25 ларда Халтурин кўчаси, 15/4-уй олдида 6-7 кишидан иборат гуруҳнинг ёш йигитни дўппослаб, автомобилга ўтқазиб, воқеа жойидан олиб кетганини кўрган. Ўғирликда гумон қилинган 20 ёшдан 45 ёшгача бўлган олти киши қўлга олинган ва улар ҳам чет эл фуқаролари бўлиб чиққан. Ўғирланган йигит эса Стачек проспекти 9-уй олдида топилган. Маълум бўлишича, у баъзи гумондорларни аввалдан таниган.
Қайд этилишича, ўғирликда гумонланаётган 6 киши, шу жумладан, жабрланувчи ҳам изоляторга жойлаштирилган (жабрланувчининг миграция қоидаларини бузгани аниқланган). Ҳолат юзасидан жиноят иши қўзғатилган. Ҳозирда гумондорларга қандай эҳтиёт чораси қўллаш масаласи кўриб чиқилмоқда. Воқеанинг барча тафсилотлари ўрганилмоқда.
