Сўнгги янгиликлар
Президент Шавкат Мирзиёев Ўзбекистон халқига Рамазон ҳайити муносабати билан табрик йўллади
«Ўзбекгидроэнерго» янги лойиҳалари учун қарийб 1 млрд доллар инвестиция йўналтирилди
Бош прокуратура Пискентдаги қамоқхонада маҳбус қийноққа солингани юзасидан расмий изоҳ берди
Полшада уруш эҳтимолига «тревога рюкзаклари» сотилмоқда
Ўзбекистонда бозор хизматлари ҳажми 136 триллион сўмга етди
Шавкат Мирзиёев Имом Бухорий мақбарасини зиёрат қилди
Исроил Ғазо жанубида ҲАМАС ҳарбий разведка бошлиғини ўлдирди
Халқаро қидирувдан 12 йил яширинган аёл Истанбулдан Тошкентга депортация қилинди
Абдуқодир Ҳусановнинг трансфер нархи кескин ошиб кетди
Ўзбекистонлик марказий ҳимоячи Осиёнинг энг қиммат тўртинчи футболчисига айланди.
Кеча, 18 март куни Англияда футболчиларнинг трансфер нархи янгиланди ва “Манчестер Сити”нинг ўзбекистонлик ҳимоячиси Абдуқодир Ҳусановнинг трансфер қиймати 23 миллион еврога қимматлашиб, 35 миллион еврога етди.
Ҳусановнинг нархи қимматлаши Ўзбекистон миллий терма жамоасининг умумий қийматига ҳам сезиларли даражада таъсир қилди ва “оқ бўрилар” Осиёдаги энг қиммат 3-терма жамоага айланди.
Ҳозирга келиб, Ўзбекистон миллий терма жамоасининг умумий қиймати 70 миллион еврога етди ва жамоа қиймати бўйича Эрон, Саудия Арабистони, Австралия, Бирлашган Араб Амирликлари, Қатар, Ироқ ва Иордания каби терма жамоаларни катта фарқ билан ортда қолдирди.
Япония терма жамоаси 307 миллион евролик қиймат билан ҳамон Осиёнинг энг қиммат терма жамоаси бўлиб турибди. Бу борада 121 миллион евролик таркибга эга Жанубий Корея 3-ўринни банд этган.
Қайд этиш жоиз, трансфер нархи ошганидан кейин Ҳусанов Осиёнинг энг қиммат 4-футболчисига айланди. Фақатгина “Брайтон” аъзоси Каору Митома, “Бавария” футболчиси Ким Мин Жаэ ва “Реал Сосьедад” футболчиси Такефуса Кубонинг трансфер нархи Ҳусановнинг қийматидан қимматроқ.
