Сўнгги янгиликлар
Навоийда 300 МВт қувватли электр энергиясини сақлаш тизими қурилади
Касбий таълим ташкилотларини комплекс давлат аккредитациясидан ўтказиш мезонлари тасдиқланди
Саида Мирзиёева Ургутга янги темирйўл орқали сафар қилди
Москва вилояти мактабларидан бирида 10 ёшли бола пичоқли ҳужум оқибатида ҳалок бўлди
“An Istanbul Story” — Истанбулнинг янги руҳи замонавий ҳикоя орқали намоён бўлди
Конституциявий шикоят институти самарадорлиги оширилади
Тадбиркорлик соҳасида 1 600 дан ортиқ маъмурий талаблар бекор қилинди
Ўзбекистонда “Электрон рецепт” тизими босқичма-босқич жорий этилмоқда – ССВ
Самарқандда Амир Темур оила аъзолари яшаган мажмуа 415 млн сўмга реставрация қилинмоқда
Бу ҳақда Маданий мерос агентлиги хабар берди.
Самарқанд шаҳрининг эски шаҳар қисмида, Регистон майдони яқинида «Дари-занжир» маҳалласида «Дари-занжир» мажмуаси жойлашган бўлиб, сўзма-сўз таржима қилинганида «занжирланган эшик» маъносини англатади. Ушбу маҳаллада Амир Темур ва темурийларнинг яқин қариндошлари, кейинчалик эса руҳоният вакиллари ва уларнинг оила аъзолари яшаган.
Улар ўз аҳли аёлларини номаҳрамлар назаридан пана қилиш мақсадида ҳужра эшикларини занжирлаб қўйиб, бегоналарнинг кириши қатъий ман этилган. Шу сабабли ҳам мажмуа номи шундай деб номланган.
Мажмуанинг умумий майдони 70,13 квадрат метр, у 2024 йил тўлиқ давлат муҳофазага олиниб, реставрация ишлари олиб борилган. «Дари-Занжир» ёдгорлигининг устини ёпиш ва ташқи қисмини реставрация қилиш ишлари учун 415 млн сўм маблағ сарфланди.
Ҳозирда объектнинг ички қисмида реставрация ва консервация ишлари давом этмоқда. Тез орада мажмуа сайёҳлар учун қайта очилади.
Маълумот учун, 2024 йил давоми Маданий мерос агентлиги Самарқанд вилояти бошқармаси томонидан 20 та маданий мерос объектида таъмирлаш ва тиклаш ишлари олиб борилди. Айни пайтга қадар 5 та объектда реставрация ишлари тўлиқ якунланиб фойдаланишга топширилган.
Самарқанд шаҳрида жойлашган «Дари-Занжир» мажмуаси Вазирлар Маҳкамасининг 2019 йил 4 октябрдаги «Моддий маданий мероснинг кўчмас мулк объектлари миллий рўйхатини тасдиқлаш тўғрисида»ги қарори асосида Маданий мерос миллий рўйхатига киритилган ва давлат муҳофазасига олинган объект ҳисобланади.
.jpg)
