Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Хоналар абгор, «душ» ва вентилация тизими ишламайди — Самарқанддаги ҳушёрхоналарда ҳолат қандай?
Олий Мажлиснинг Инсон ҳуқуқлари бўйича вакили (омбудсман)нинг Самарқанд вилоятидаги минтақавий вакили ва Омбудсман ҳузуридаги жамоатчилик гуруҳлари томонидан Самарқанд вилоят соғлиқни сақлаш бошқармасининг туман ва шаҳарлар тиббиёт бирлашмалари таркибида ташкил этилган мастлик ҳолатида бўлган шахсларга тиббий ёрдам кўрсатиш бўйича туманлараро (Ургут, Тойлоқ, Иштихон, Пахтачи, Пайариқ, Булунғур туманлари ва Каттақўрғон шаҳри) пунктларига мониторинг ташрифлари амалга оширилди. Бу ҳақда Олий Мажлиснинг Инсон ҳуқуқлари бўйича вакили (омбудсман) Ахборот хизмати хабар бермоқда.
Маълум бўлишича, мониторинг давомида мастлик ҳолатида бўлган шахсларга тиббий ёрдам кўрсатиш бўйича айрим туманлараро пунктларида бир қатор салбий ҳолатлар аниқланган.
Хусусан, мастлик ҳолатида бўлган шахсларга тиббий ёрдам кўрсатиш бўйича айрим туманлараро пунктларининг хоналари таъмирга муҳтож ҳолда ва белгиланган талаб даражасида ташкил этилмаган, ҳожатхона ва ювиниш хоналарида сақланаётган шахслар учун шароитлар яратилмаган ҳамда Булунғур туманлари ва Каттақўрғон шаҳридаги ҳушёрхоналарнинг баъзиларига вентиляция тизими ўрнатилган бўлсада, уларнинг ҳеч бирида бу тизимлар ишламаслиги ва бошқа камчиликлар аниқланган. Шунингдек, ушбу пунткларнинг айримларида муддати ўтган дорилар ҳам сақлаб келинган.
Аниқланган салбий ҳолатларни бартараф этиш мақсадида “Олий Мажлиснинг Инсон ҳуқуқлари бўйича вакили (омбудсман) тўғрисида”ги Ўзбекистон Республикасининг Қонуни ва Ўзбекистон Республикаси Президентининг “Қийноққа солиш ҳолатларини аниқлаш ва уларнинг олдини олиш тизимини такомиллаштиришга доир қўшимча чора-тадбирлар тўғрисида”ги қарорига асосан Омбудсман томонидан Соғлиқни сақлаш вазирлигига тақдимнома киритилган.
Тақдимнома ижроси бўйича олинган маълумотларга кўра, Ургут туманлараро пунктига видеокузатув камералари ўрнатилиб, ишга туширилган.
Пайариқ ва Пахтачи туман пунктида 10 та койкали жой ташкил этилган. Каттақўрғон пунктининг ҳожатхона ва ювиниш хоналарида беморлар учун шароит яратилиб, ичимлик суви тармоғига уланиб, сув таъминоти йўлга қўйилган. Пахтачи туманлараро пунктида таъмирлаш ва муассаса ҳудудида ободонлаштириш ишлари амалга оширилган.
Шунингдек, Тойлоқ, Пайариқ туманлари ва Каттақўрғон шаҳри туманлараро пунктларидаги муддати ўтган дори воситалари йўқ қилиниб, ўз ишига совуққонлик билан қараган 3 нафар масъул ходимга нисбатан “Ҳайфсан” интизомий таъсир чоралари қўлланилган.
Эслатиб ўтамиз, Тақдимномада кўрсатилган фактлар ҳушёрхоналарга қайта мониторинг ташрифларини амалга ошириш орқали тасдиқланган. Вентиляция тизими билан боғлиқ ҳолат Омбудсман назоратида турибти.
