EFFECT.UZ – ҲАҚИҚАТ УЧУН!
Сўнгги янгиликлар
Женевада Лавров ва Блинкен учрашди: Россия ва Ақш ўртасида нималар ўзгаради?

Женевада Лавров ва Блинкен учрашди: Россия ва Ақш ўртасида нималар ўзгаради?

Россия ташқи ишлар вазири Сергей Лавров ва АҚШ давлат котиби Энтони Блинкеннинг 23 январь жума куни Женевада Америка томонининг ташаббуси билан учрашув бўлиб ўтди. Бу бўйича "Риа новости" хабар берди.

Маълум қилинишича, Россия ташқи ишлар вазири суҳбатнинг фойдали ва самимий ўтганини айтиб ўтган. АҚШ Давлат котиби эса келаси ҳафта Москванинг хавфсизлик кафолатлари бўйича таклифларига ёзма жавоб беришни ваъда қилган. 

Лавров, шунингдек, АҚШдан жавоб олгач, Блинкен билан янги алоқани режалаштираётганини айтди. Унинг қўшимча қилишича, бу учрашувда ҳеч қандай кутилмаган воқеа бўлмаган.

“Бу уларнинг илтимоси ва ташаббуси эди. Яъни Женевада учрашиш фикри улардан чиққан. Биз бунга жавоб бердик, Сергей Викторович Лавров Женевага учиб кетди, Америка томонида бўлган масалалар бўйича музокаралар олиб борди. Биз ёзма жавобни кутмоқдамиз“, - дейди Россия ТИВ матбуот котиби Захарова.

2021 йил охирида Россия АҚШ билан шартнома ва НАТО билан хавфсизлик кафолатлари бўйича келишув лойиҳаларини чоп этди.

Хусусан, Москва ўзининг ғарблик ҳамкорларидан НАТОнинг шарққа томон кенгайиши, Украина блокига қўшилиши ва постсовет мамлакатларида ҳарбий базалар ўрнатишдан бош тортишнинг ҳуқуқий кафолатларини талаб қилмоқда.

Таклифларда, шунингдек, НАТОнинг зарба берувчи қуролларини Россия чегаралари яқинида жойлаштирмаслик ва Шарқий Европадаги иттифоқ кучларини 1997 йилги позицияларга олиб чиқиш тўғрисидаги банд ҳам бор.

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING