Сўнгги янгиликлар
ССП раиси ўринбосари Нодира Шотурсунова Наманганда фаол ва ташаббускор аёл тадбиркорлар билан учрашди
Сторителлинг ва мутолаанинг инсон ривожидаги ўрни...
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Акмалжон Маҳмудалиев салафанда жон сақлаётган андижонлик оилага амалий ёрдам кўрсатди
Сирдарё вилояти ҳокимлиги масъуллари томонидан Effect.uz орқали ёритилган андижонлик оиланинг мурожаати ўрганилди.
Аниқланишича, Боёвут туманидаги дала майдонида оила аъзолари билан яшаб келаётган Салоҳиддин Деҳқонов ижтимоий тармоқ орқали видеомурожаат қилиб, ҳеч ким мурожаатини эшитмаётганини, масъуллар умуман ҳолидан хабар олмаслигини маълум қилган.
Вилоят ҳокими вазифасини бажарувчи Акмалжон Маҳмудалиев мазкур оиланинг яшаш шароитини ўрганган. Салоҳиддин Деҳқонов турмуш ўртоғи ва икки нафар вояга етмаган фарзанди билан 2021 йилнинг февраль ойида деҳқончилик билан шуғулланиш мақсадида Андижондан Сирдарё вилоятига келган.
С.Деҳқоновга туман ҳокими қарори билан боғдорчилик ва сабзавот билан шуғулланиши учун 7,4 гектар ер майдони ажратиб берилган. Аммо берилган ердан мақсадсиз фойдаланилган.
Оила бир муддат “Янгиобод” маҳалласидаги хонадонлардан бирида ижарада яшаган. Айни кунда эса деҳқончилик учун ажратилган ер майдонидаги чайлада истиқомат қилиб келган.
Оиланинг турмуш шароити маҳалла раиси ва ҳоким ёрдамчиси томонидан бир неча бор ўрганилган. Унда яшаш учун ижарага уй, вояга етмаган фарзандларини имтиёзли равишда мактабгача таълим муассасасига жойлашга кўмаклашиш таклифи берилган. Лекин С.Деҳқонов бу ёрдамларни рад этиб, бепул уй берилиши кераклигини талаб қилган.
Шу кунга қадар масъуллар кўмагида икки нафар фарзандига нафақа тайинланган, чорвачилик йўналишида 30 миллион сўм имтиёзли кредит ажратиб берилган. Шунингдек, савдо дўконидаги мавжуд қарзлари ҳомийлар томонидан тўлаб берилган.
Шунга қарамасдан, қарамоғида 2 нафар вояга етмаган болалари борлиги ва ҳаво-ҳароратининг пасайганлигини инобатга олиниб, оила бугуннинг ўзида вақтинчалик, етарли шарт-шароитга эга бўлган бепул уйга кўчирилган. Бундан ташқари деҳқончилик мавсуми бошлангунга қадар даромад топиб, рўзғор юритиши учун С.Деҳқонов иш билан таъминланган.
