So`ngi yangiliklar
Rayhonning “Yaxshimasmi” qo‘shig‘ida she’rdan muallif ruxsatisiz foydalanilgani aniqlandi
Fermerlarga bosim ortmoqdami?
Oʻyinchoq toʻpponcha bilan bankni oʻmarmoqchi boʻlgan erkakning shaxsiga aniqlik kiritildi
“Ferrari” oʻzining ilk elektromobilini ishlab chiqarmoqchi
Rus tili imtihonlari Rossiya byudjetiga 30 million dollar daromad keltirdi
Laziz Kudratov Osiyo taraqqiyot bankining O‘zbekistondagi doimiy missiyasi direktori Kanokpan Lao-Araya bilan uchrashdi
AQSH va Ukraina yer osti boyliklari boʻyicha kelishuvga erishdi
Navoiyliklar nimadan norozi?
Oʻzbekistonda yakka tartibdagi tadbirkorlarning 40 foizi ayollar ekani maʼlum boʻldi
Oʻzbekiston xotin-qizlar bandligini taʼminlash va tadbirkorligini rivojlantirishdagi tajribasi xalqaro maydonda ommalashtiriladi, deya xabar bermoqda Senat matbuot xizmati.
Senatning Xotin-qizlar va gender tenglik masalalari qoʻmitasi tomonidan ayollarni qoʻllab-quvvatlash masalalari yuzasidan onlayn shakldagi video muloqoti boʻlib oʻtdi. Unda manfaatdor vazirlik va idoralar, jumladan Bandlik va mehnat munosabatlari, Mahalla va oilani qoʻllab-quvvatlash vazirliklari, Savdo-sanoat palatasi, Biznes Ombudsman, Mahallabay ishlash va tadbirkorlikni rivojlantirish agentligi, Davlat xizmatlari agentligi, Yoshlar ishlari agentligi, Markaziy bank, Hunarmand uyushmasi, “Tadbirkor ayol” ishbilarmon ayollar assotsiatsiyasi masʼul xodimlari ishtirok etdi.
Maʼlumki, ishbilarmon, tadbirkor ayollar mamlakat taraqqiyotida iqtisodiy oʻsishni taʼminlash, ish oʻrinlari yaratish, innovatsiyalarni ragʻbatlantirishda muhim rol oʻynaydi. Shu bois, mamlakatimizda ham ayollarning barcha jabhalarda faolligini oshirishga qaratilgan siyosat amalga oshirilishi natijasida tashabbuskor, intiluvchan, gʻayratli, yuqori malakali mutaxassis va tadbirkor xotin-qizlar soni tobora ortib bormoqda.
Muloqotda qayd etilganidek, soʻnggi uch yilda iqtisodiy faol ayollar soni 10 foizga oshdi. Davlat tashkilotlarida ishlayotganlarning 42,7 foizini ayollar tashkil etmoqda. Mamlakatimizda xotin-qizlar tadbirkorligini qoʻllab-quvvatlash boʻyicha olib borilayotgan tizimli islohotlar hamda koʻrsatilayotgan eʼtibor natijasida ular tomonidan 130 mingga yaqin tadbirkorlik subyekti samarali boshqarib kelinmoqda. Yakka tartibdagi tadbirkorlarning qariyb 40 foizi xotin-qizlardan iborat.
Shu oʻrinda taʼkidlash lozimki, 2021-yilning 13-15-oktyabr kunlari Oliy Majlis Senati Raisi T.Narbayeva boshchiligidagi mamlakatimiz delegatsiyasi Sankt-Peterburg shahrida boʻlib oʻtgan uchinchi Yevroosiyo ayollar forumida ishtirok etgan edi. Unda bildirilgan takliflar va kelishuvlarni tatbiq etish boʻyicha amaliy chora-tadbirlar rejasi yuzasidan “Yoʻl xaritasi” tasdiqlanib, unga koʻra Oʻzbekistonning xotin-qizlar bandligini taʼminlash va tadbirkorligini rivojlantirish boʻyicha tajribasini xalqaro keng targʻib etish hamda bu borada taqdimot tayyorlash vazifasi yuklatilgan edi.
Shunga muvofiq muhokamalar davomida ushbu taqdimot materiallarini tayyorlash yuzasidan masʼullarga soʻnggi 3 yil davomida mamlakatimizda xotin-qizlar bandligini taʼminlash va tadbirkorligini rivojlantirish boʻyicha amalga oshirilgan ishlar, ilgʻor tajribalar haqida maʼlumotlarni umumlashtirish, tahlil etish va belgilangan muddatlarda ishchi guruhga taqdim etish vazifasi topshirildi.
Shu oʻrinda, Oʻzbekistonning xotin-qizlar bandligini taʼminlash va tadbirkorligini rivojlantirish borasida takliflaringiz boʻlsa, Senatning Xotin-qizlar va gender tenglik masalalari qoʻmitasiga yuborishingiz mumkin.
