title

Сўнгги янгиликлар

21:10 / 2025-10-28 169

Туркиядаги 4 та қишлоқ “2025 йилнинг энг яхши туризм қишлоғи” мақомига сазовор бўлди

11:38 / 2025-10-28 221

Истанбул – қадим тарих ва маданият ўчоғи

16:35 / 2025-10-28 620

Ўзбекистонда мажбурий авто суғурта тизимидаги янгиликлар: 2026 йилдан нималар ўзгаради ва ҳайдовчилар учун эслатмалар

23:47 / 2025-10-28 765

Ёмғир керак: Табиат ва инсон ўртасидаги мувозанат издан чиқмоқда

13:19 / 2025-10-15 757

Президент Мирзиёев Саудия Арабистони делегациясини қабул қилади ва “Янги Тошкент” аэропорти қурилишига старт беради

13:03 / 2025-10-15 728

Каппадокия 17-19 октябрда “Salomon Cappadocia Ultra-Trail” югуриш пойгасига мезбонлик қилади

12:45 / 2025-10-13 800

Ўзбекистон павильони Осака EXPO–2025 кўргазмасида олтин медалга сазовор бўлди

09:32 / 2025-10-09 1004

Ўртаҳисар “Дунёнинг энг гўзал 50 қишлоғи” рўйхатига киритилди

18:45 / 2025-05-06 1448 0 Шоу-бизнес

Хонанда Ботир Қодиров муаллифлик ҳуқуқини бузгани учун жаримага тортилди

Ушбу ҳолат юзасидан хонанда Ботир Қодировга нисбатан Маъмурий жавобгарлик тўғрисидаги кодекснинг 177 прим 1-моддаси билан маъмурий ҳуқуқбузарлик тўғрисидаги баённома расмийлаштирилиб, тегишли судга юборилган.

Адлия вазирлиги томонидан халқимиз орасида «Абдуссамий» тахаллуси билан билан танилган шоир Шохрух Абдувохидовга тегишли «Қизғанаман», «Сўнгги нафасгача», «Соғиндим ёмон» ҳамда «Дилдора» номли шеърлари хонанда Ботир Қодиров томонидан ҳуқуқ эгаси рухсатисиз ҳамда тегишли тартибда муаллифлик ҳақини тўламасдан фойдаланилганлиги аниқланган.

Тошкент шаҳар жиноят ишлари бўйича Чилонзор туман судининг қарорига кўра, хонандага нисбатан Ўзбекистон Республикаси МЖтКнинг 177 прим 1-моддасининг иккинчи қисми билан базавий ҳисоблаш миқдорининг 8 баравари миқдорида, яъни 3 миллион сўм жарима жазоси тайинланган.

Маълумот учун, аввалроқ шоир «Шамсиддин Садоий»нинг Адлия вазирлигига қилган мурожаати асосида «Давлатинг борида», «Омонат» ва «Тингла дўстим» номли шеърлари хонанда Ботир Қодиров томонидан ҳуқуқ эгаси рухсатисиз ҳамда тегишли тартибда муаллифлик ҳақини тўламасдан фойдаланилганлиги аниқланган ҳамда Тошкент шаҳар жиноят ишлари бўйича Чилонзор туман судининг қарорига кўра, ҳуқуқбузарга нисбатан Ўзбекистон Республикаси МЖтКнинг 177 прим 1-моддасининг биринчи қисми билан базавий ҳисоблаш миқдорининг 5 баравари миқдорида, яъни 1 миллион 875 минг сўм жарима жазоси қўлланилганди.

«Ҳурматли ижод вакиллари, муаллифлик ҳуқуқингиз бузилганда Адлия вазирлигининг «1008» ишонч телефони орқали хабар беришингиз ёки [email protected] электрон почта манзили орқали мурожаат қилишингизни сўраймиз», дейилади Intelлектуал мулк департаменти хабарида.