title

Сўнгги янгиликлар

17:36 / 2025-12-05 21

Саида Мирзиёева "ACWA Power" компанияси раиси билан қўшма лойиҳаларни муҳокама қилди

15:21 / 2025-12-04 101

Президент «Сирдарё» ЭИЗдаги йирик корхона фаолияти билан танишди

13:38 / 2025-12-02 191

Президент Жиззахда йўл, АЭС ва шаҳарсозлик лойиҳалари билан танишди

23:03 / 2025-12-01 218

Президент Шавкат Мирзиёев Тошкентда экологик вазиятни яхшилаш бўйича махсус комиссия ҳисоботини тинглади

20:19 / 2025-12-01 196

Ўзбекистонда сунъий интеллект даври бошланмоқда: соғлиқни сақлашдан космосгача кенг кўламли янгиланишлар

22:09 / 2025-11-30 321

Водил санаторияси атрофидаги саволлар: Мурожаатлар ечимсиз, текширувлар шошилинч, прокуратура текшируви суд жараёнига аралашувми: Вазиятдан ким манфаатдор?

14:30 / 2025-11-29 295

Автотранспортлар учун экологик стикерлар бериш тартиби тасдиқланди

11:55 / 2025-11-29 271

ИИВ Қўриқлаш департаментига раҳбар тайинланди

19:42 / 2025-07-20 901 0 Шоу-бизнес

Юлдуз Усмонованинг қўшиғини куйлаган хонанда жаримага тортилди

Бу ҳақда Адлия вазирлиги хабар берди.

Ниҳол мукофоти совриндори Гулжаҳон Холхўжаева қўшиқ куйлашда муаллиф рухсатини олмагани учун маъмурий жавобгарликка тортилди.

Қайд этилишича, Муаллифлик ва турдош ҳуқуқларни ҳимоя қилиш жамоат бирлашмаси томонидан халқ орасида “Саломий” тахаллуси билан танилган шоир Абдусаид Абдусаломовга тегишли бўлган “Сенмидинг” номли шеър муаллифнинг рухсатисиз ижро этилгани юзасидан ҳуқуқий чора кўрилишини сўраб қилинган мурожаат вазирлик томонидан ўрганиб чиқилган.

Ўрганиш мобайнида Ўзбекистон ва Қорақалпоғистон халқ артисти Юлдуз Усмонова ижросидаги “Сенмидинг” номли қўшиқ шеъри хонанда Гулжаҳон Холхўжаева томонидан муаллифнинг рухсатисиз фойдалангани аниқланиб, ҳолат юзасидан унга нисбатан маъмурий ҳуқуқбузарлик тўғрисидаги баённомалар расмийлаштирилди ва тегишли судга юборилди.

Жиноят ишлари бўйича Мирзо Улуғбек туман судининг қарорига кўра, хонандага нисбатан Маъмурий жавобгарлик тўғрисидаги кодекснинг 177 прим 1-моддаси (муаллифлик ҳуқуқини ва турдош ҳуқуқларни бузиш)нинг 1-қисми билан жарима жазоси тайинланди.

Маълумот учун, қонунчиликка мувофиқ муаллиф ҳуқуқбузардан зарар қопланиши ўрнига базавий ҳисоблаш миқдорининг 20 бараваридан 1000 бараваригача миқдорда товон тўлашини талаб қилишга ҳақли ҳисобланади.