title

Жиззах вилояти Шароф Рашидов тумани Қўшкўприк маҳалласида ота мерос ҳовлида умр ўтказаётган Гулсара Аҳмеджонова ва оиласининг охирги ўн йили турли низолар-у муаммолар билан ҳаловатсиз ўтди.

Гулсара опанинг ёлғиз қизи бор, ўғли бўлмагани учун жияни Жавлон Даминовни менга келажакда ўғилдек қарайди дея ҳовлисига кўчириб келади. 7 йил давомида бирга яшашади ва жиянига катта ҳовлининг бир чеккасидан уй қуриб олиши учун 5 сотихга яқин ер ҳам ажратиб беради.

Жиян эса ажратилган ерни зудлик билан 6 сотих қилиб кадастр қилдиради. Энг қизиғи, уйга кириб чиқиш дарвозаси хам жиян чиздирган чизмада.

Уйни дарҳол бегоналаштирган жиян келажакда холаси уйга қандай кириб чиқишини ўйлаб хам ўтирмайди.

Содда хола ҳовлисининг бир қисмини жияннинг бу фақат расмиятчилик учун деган сўзларига ишониб билиб билмай олди-сотди шартномасига имзо қўйгани эндиликда муаммони баттар чигаллаштирмоқда.

Жавлон Даминовнинг ўз холасини алдаб олган ерига кадастр ҳужжатларини тайёрлаб берган кадастр ходими Убайдулла Раҳматуллаев Кўчмас мулк объектига кадастр паспортини бериш бўйича давлат хизматлари кўрсатишнинг маъмурий регламенти бирор бандига амал қилмаган холда жойига чиқиб ўрганмаган холда мунажжимлик қобилиятини ишга солибгина кадастр паспортини тайёрлаб берган.

Оқибатда Гулсара Аҳмеджонованинг уйи кириш дарвозасисиз қолмоқда. Давлат ходимининг бундай виждонсизлик ва қўпол хатосига нима сабаб бўлиши мумкин.

Қизиғи бу ҳолат бўйича кадастр ходимига нисбатан хизмат текшируви ўтказилиб, йўл қўйилган камчиликлар аниқланган, лекин ҳеч қандай чора кўрилмаган.

Ҳозирда ушбу мулкий низо сохта ҳужжатлар билан тўғриланган 13:04:09:06:01:0286 рақамли кадаср ҳужжатини ҳақиқий эмас деб топиш даъвоси Жиззах туманлараро маъмурий судининг адолатли судяси экани айтилаётган Ансатбой Қаражонов раислигида кўриб чиқилмоқда. Аминмизки, бу ишда ҳақ қарор топади.