Қорақалпоғистондан Ўзбекистон Республикаси Олий Мажлиси сенатига аъзо сенаторлар бугун неча ёшни қаршилади? Effect.uz ушбу саволга жавоб излади. Аён бўлдики, қорақалпоғистонлик жами олти нафар сенатордан 5 таси аллақачон пенсия ёшидан “ошиб” ўтган. Хўш, улар кимлар? Қандай лавозимларда ишлайди? Мутахассислиги нима? Камалов Мурат Каллибекович Ўзбекистон Республикаси Олий Мажлиси Сенати Раиси ўринбосари, Қорақалпоғистон Республикаси Жўқорғи Кенгесининг Раиси. 1955 йил 24 июнда Қорақалпоғистон Республикасида туғилган. Миллати: қорақалпоқ. Маълумоти: олий. Мутахассислиги: ҳуқуқшунос. Ҳозирда 67 ёшда.

Жалменов Улуғбек Абилаевич Қорақалпоғистон Республикаси Касаба уюшмалари ташкилотлари бирлашмаси раиси. 1960 йил 13 июнда  Қорақалпоғистонда таваллуд топган. Миллати: қорақалпоқ. Маълумоти: олий. Мутахассислиги: политолог-социолог. 2021 йилда “Меҳнат шуҳрати” ордени билан тақдирланган. Сенатнинг Хотин-қизлар ва гендер тенглик масалалари қўмитаси аъзоси. Ҳозирда 62 ёшда.Матмуратов Ботир Жолдасович Сенатнинг Оролбўйи минтақасини ривожлантириш масалалари ва экология қўмитаси раиси ўринбосари. 1960 йил 10 октябрда Қорақалпоғистон Республикасида туғилган. Миллати: ўзбек. Маълумоти: олий. Мутахассислиги: ҳуқуқшунос, иқтисодчи. 2021 йилда “Содиқ хизматлари учун” медали билан тақдирланган. 62 ёшда.Аннақиличева Гулистон Аҳмедовна “Қорақалпоқ адабиёти” газетаси бош муҳаррири. 1948 йил 20 июнда Қорақалпоғистон Республикасида туғилган. Миллати: ўзбек. Маълумоти: олий. Мутахассислиги: журналист, сиёсатшунос. 1983 йилда  Ўзбекистонда хизмат кўрсатган маданият ходими, 2016 йилда “Фидокорона хизматлари учун” ордени билан мукофотланган. Сенатнинг Ахборот сиёсати ва давлат органларида очиқликни таъминлаш масалалари қўмитаси аъзоси. Ҳозирда 74 ёшда. Атаниязова Орал Аминовна Қорақалпоғистон тиббиёт институти ректори. 1956 йил 18 майда Қорақалпоғистон Республикасида таваллуд топган. Миллати:   қорақалпоқ. Маълумоти: олий. Мутахассислиги: шифокор. 2000 йилда “Қорақалпоғистон Республикасида хизмат кўрсатган фан арбоби”, 2001 йилда “Соғлом авлод учун” I даражали ордени соҳибаси, 2021 йилда Ўзбекистан Республикасида хизмат кўрсатган ёшлар мураббийи унвонини олган. Сенатнинг Оролбўйи минтақасини ривожлантириш масалалари ва экология қўмитаси аъзоси. 66 ёшда. Данияров Абатбай Сапарбаевич Қорақалпоғистон Республикаси Вазирлар Кенгаши раиснинг Ёшлар сиёсати, ижтимоий ривожлантириш ва маънавий-маърифий ишлар бўйича ўринбосари. Қорақалпоғистонлик сенат аъзолари ичида пенсия ёшига етмаган ягона сенатор. 1987 йилнинг 9 августида Қорақалпоғистон Республикасида туғилган. Миллати: қорақалпоқ. Маълумоти: олий. Мутахассислиги: инглиз тили ўқитувчиси. 2016 йилда “Шуҳрат” медали билан тақдирланган. У Сенатнинг Ёшлар, маданият ва спорт масалалари қўмитаси аъзоси ҳисобланади. 35 ёшда!

Effect.uz сенаторларга оид мақолаларни эълон қилишда давом этади...