Сўнгги янгиликлар
Туркиянинг сеҳрли сув ости дунёси ҳақида нималар маълум?
"Strongmen Games": Кучлилар аниқланди
Туркиядаги энг мафтункор яхта манзиллари
«Ўзларингизга яхши бўлмайди» – Оқдарё ҳокимлиги фермерлар пилла режасини топширишга мажбур эканлигини айтган «зам» ҳокимнинг ҳаракатларини оқлаб чиқди
Ботир Зарипов ноқонуний ҳолатларнинг олдини олишни мақсад қилган – Бухоро ҳокимлиги муносабат билдирди
«Неварамнинг чет элда ўқиши учун қандай пул топсам деб уйқуларим қочади» – олмалиқлик фаол «Умид» фонди ёпилганидан ранжиб, янги таклиф билан чиқди
Дунё билан баробар қадам…
“Анталия Гамбит”: Турк Ривиерасида ҳаяжонли ҳикоя
Жиззахдаги боғчада икки бола овқатдан заҳарланди
Жиззах вилоятининг Пахтакор туманидаги нодавлат мактабгача таълим ташкилотида болаларнинг овқатдан заҳарланиши қайд этилди. Бу ҳақда болалар омбудсманига хабар келиб тушган.
Болалар омбудсмани сўрови асосида Жиззах вилояти прокуратураси томонидан мазкур ҳолат ўрганилганда ҳолат 2 август куни содир бўлгани аниқланди. Хусусий боғчада тарбияланаётган И.Ф. (қиз бола, 2020 йилда туғилган) ва С.Т. (қиз бола, 2019 йилда туғилган) тана ҳарорати кўтарилгани сабабли ота-онаси туман тиббиёт бирлашмасига мурожаат қилган. Болалар овқатдан заҳарланиш ташхиси билан гумонланиб, юқумли касалликлар бўлимига ётқизилган.
Мазкур ҳолат бўйича шу куннинг ўзида ушбу нодавлат таълим ташкилотида тарбияланаётган 14 нафар бола ҳам туман тиббиёт бирлашмасининг юқумли касалликлар бўлимида шифокорлар кузатувига олиниб, зарур муолажалар олиб борилган. Уларда соғлиғидан шикоятлар аниқланмагани туфайли уйларига жавоб берилган.
Шунингдек, эпидемиологик суриштирув давомида болаларга нонушта пайти берилган озиқ-овқат маҳсулотларидан намуналар олинган.
Қайд этилишича, ҳозирда Пахтакор тумани прокуратураси томонидан ҳолат юзасидан терговга қадар текширув олиб борилмоқда. Тайинланган тегишли экспертиза натижасидан келиб чиққан ҳолда прокуратура томонидан қонуний қарор қабул қилиниши таъминланади.
