Сўнгги янгиликлар
Ҳиндистонда маймун чечагининг янги штамми аниқланди
Наманганда ҳоким ёрдамчиси ва кадастр ходими пора билан қўлга олинди
5G, сунъий интеллект, суперкомпьютерлар — Мирзиёев Ўзбекистоннинг рақамли йўлини белгилаб берди
“Namangan to‘qimachi cluster” жаримага тортилди
Дунёдаги энг қудратли денгиз шамол турбинаси ўрнатилди
“Tash Building”, “Ko'prikqurilish” ва“Azia Invest Favorit” — Солиқ қарзлари юқори бўлган қурилиш компаниялари рўйхати очиқланди
Нон чиқиндига ташланаётган дунёда — очликдан ўлаётган инсоният
Трамп инсоният тарихидаги энг муҳим баёнотни эълон қилишни режалаштирмоқда
5G, сунъий интеллект, суперкомпьютерлар — Мирзиёев Ўзбекистоннинг рақамли йўлини белгилаб берди
Ўзбекистонда рақамли трансформация янги босқичга чиқмоқда: 2030 йилгача минглаб стартаплар, миллиардлаб инвестициялар, сунъий интеллект асосидаги давлат хизматлари ва 5G технологияларини жорий этиш режалари Президент Шавкат Мирзиёевга тақдим этилди.
Президент Шавкат Мирзиёев рақамли технологияларни ривожлантириш соҳасида эришилган натижалар ҳамда 2026 йилга мўлжалланган устувор вазифаларга бағишланган тақдимот билан танишди.
Тақдимотда 2030 йилга қадар стартапларнинг сонини 5 мингтага, экспорт бозорларига чиққан стартапларнинг сонини 200 тага етказиш, венчур инвестицияларнинг ҳажмини 2 миллиард долларга олиб чиқиш мақсад қилингани таъкидланди.
Шу мақсадда халқаро тажриба асосида стартапларни қўллаб-қувватлашнинг тўрт босқичли тизими жорий этилмоқда. Ғоя, ишлаб чиқиш, ишга тушириш ва масштаблаштириш босқичларида грантлар, солиқ имтиёзлари, қўшма молиялаштириш, экспорт харажатларини қоплаш учун молиявий ресурслар йўналтирилади. Электрон давлат хизматларини янада ривожлантириш режалари кўриб чиқилди.
Рақамли хизматлар сонини 900 тагача етказиш, “MyGov.uz” мобил иловасининг функционалини кенгайтириш, 50 тадан ортиқ хизматларда сунъий интеллект технологияларини жорий этиш, Аҳолининг ягона реестрини ишлаб чиқиш, тадбиркорлик субъектини очиш, якка тартибдаги тадбиркорлик ходимларини ҳисобга қўйиш, банк пластик картасини очиш, сим-карта олиш, суғурта ва реклама хизматларини рақамлаштириш режалаштирилган.
Тақдимотда сунъий интеллект технологиялари учун инфратузилма яратиш ишларининг бориши ҳақида ахборот берилди.
Хусусан, ҳозирги кунда замонавий кичик супер компьютер ишга туширилди, катта супер компьютерни харид қилиш ва ишга тушириш ишлари фаол босқичда.
Лойиҳани амалга ошириш натижасида 15 та олий таълим муассасасида сунъий интеллект лабораториялари ташкил этилади, соҳадаги мутахассисларнинг салоҳияти ошади, маҳаллий СИ ечимларини яратиш ва жорий этиш имкониятлари яратилади.
Мамлакат ҳудудларида замонавий дата-марказлар тармоғини кенгайтириш, маълумотлар хавфсизлиги ва узлуксизлигини таъминлаш зарурлиги қайд этилди.
Телекоммуникация инфратузилмасини ривожлантириш масалаларига алоҳида эътибор қаратилди.
Бу борада барқарор ўсиш суръатларига эришилаётгани, интернет тезлиги ва қамрови йилдан-йилга ошиб, мобил алоқа хизматларининг сифати яхшилангани таъкидланди.
2026 йилда 5G технологияларини жорий этиш ва аҳоли пунктларини юқори тезликдаги интернет билан қамраб олишни давом эттириш, шунингдек, сунъий йўлдош алоқасидан фойдаланишни кенгайтириш режалаштирилган.
Президент рақамли технологиялар иқтисодиёт тармоқлари рақобатбардошлигини ошириш, давлат бошқарувини самарали қилиш ва аҳоли ҳаёти сифатига бевосита таъсир кўрсатишини таъкидлаб, белгиланган вазифаларни амалга ошириш бўйича мутасаддиларга тегишли топшириқлар берди.
.jpg)
