Сўнгги янгиликлар
Ҳиндистонда маймун чечагининг янги штамми аниқланди
Наманганда ҳоким ёрдамчиси ва кадастр ходими пора билан қўлга олинди
5G, сунъий интеллект, суперкомпьютерлар — Мирзиёев Ўзбекистоннинг рақамли йўлини белгилаб берди
“Namangan to‘qimachi cluster” жаримага тортилди
Дунёдаги энг қудратли денгиз шамол турбинаси ўрнатилди
“Tash Building”, “Ko'prikqurilish” ва“Azia Invest Favorit” — Солиқ қарзлари юқори бўлган қурилиш компаниялари рўйхати очиқланди
Нон чиқиндига ташланаётган дунёда — очликдан ўлаётган инсоният
Трамп инсоният тарихидаги энг муҳим баёнотни эълон қилишни режалаштирмоқда
Ҳиндистонда маймун чечагининг янги штамми аниқланди
Ҳиндистоннинг Керала штатида маймун чечагининг юқумлилик даражаси юқори бўлган янги штамми қайд этилди. Олимлар касаллик инсондан инсонга ўтиши ва асосан хорижий сафарлар орқали кириб келаётганини таъкидламоқда.
Ҳиндистоннинг Керала штатида маймун чечагининг янги ва хавфли штамми аниқланди. Бу ҳақда Navbharat Times нашри хабар берди.
Маълум қилинишича, ўтказилган генетик тадқиқотлар ушбу штаммнинг хорижга сафарлар билан боғлиқ эканини ва инсондан инсонга осон юқишини кўрсатган.
Тадқиқотлар Ҳиндистон тиббий тадқиқотлар кенгаши (ICMR), вирусология институти ҳамда бир қатор диагностик лабораториялар ҳамкорлигида олиб борилган.
Мутахассислар аниқлашига кўра, гап аввал Африкада кузатилган Clade Ib штамми ҳақида бормоқда. У юқори даражадаги вирулентликка эга бўлиб, тез тарқалиши билан ажралиб туради. Тасдиқланган 10 нафар беморнинг 9 нафари аввал хорижда бўлгани маълум қилинган.
Жаҳон соғлиқни сақлаш ташкилоти маълумотларига кўра, 2025 йил 1 январдан 30 июнига қадар дунё бўйлаб 79 мамлакатда 30 мингдан ортиқ касалланиш ҳолати ва 119 та ўлим қайд этилган. Энг кўп ҳолатлар Африка давлатларида, жумладан Конго Демократик Республикаси, Уганда ва Сьерра-Леонеда кузатилмоқда.
Маймун чечаги — кам учрайдиган вирусли касаллик бўлиб, айниқса иммунитети заиф шахслар учун хавфли ҳисобланади. Касаллик иситма, заҳарланиш, лимфа тугунларининг катталашиши ва кейинчалик терида тошмалар пайдо бўлиши билан намоён бўлади. Енгил ҳолатларда касаллик 14–21 кун ичида ўз-ўзидан тузалиши мумкин.
.jpg)
