Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Қорақалпоғистон ва Хоразм учун «байрам туҳфаси»
Наврўз байрамида Қорақалпоғистон ва Хоразмда 7950 та истеъмолчи электрсиз қолди.
Совуқ об-ҳаво, кучли шамол ва ёғингарчиликлар бошланиши билан юртимиз энергия тизимида турлича «фалажланишлар» юз бериши йилдан йилга оддийлашиб, одатийлашиб бормоқда. Кеча, 20 март куни соат 22:30 да Қорақалпоғистон ва Хоразмда кучли ёмғир ва қаттиқ шамол сабаб минглаб хонадонлар электр таъминотисиз қолган. Бу ҳақда Энергетика вазирлиги хабар берди.
Қайд этилишича, Қорақалпоғистон Республикасида 6-10 кВли 5 та, Хоразм вилоятида эса 9 та электр узатиш тармоғида носозлик юзага келган. Бунинг оқибатида Қорақалпоғистон Республикасининг Тўрткўл, Тахиатош ва Қўнғирот туманларида истиқомат қилувчи 1 минг 200 та, Хоразм вилоятининг Гурлан, Қўшкўпир, Урганч ҳамда Хонқа туманларида истиқомат қилувчи 6 минг 750 та истеъмолчи электр таъминотидан узилган.
«Ҳозирги вақтда ноқулай об-ҳаво (қаттиқ шамол ва кучли ёмғир) шароитига қарамасдан, махсус бригадалар томонидан ушбу носозликлар бартараф этилмоқда. Келтирилган ноқулайликлар учун истеъмолчилардан узр сўраймиз», дейилади Энергетика вазирлиги хабарида. Маълумот учун, бундан бир ой аввал ҳам Самарқанд вилоятининг Самарқанд, Пастдарғом, Булунғур, Жомбой, Тойлоқ ва Паяриқ туманларида 35 мингта, Бухоро вилоятининг Ромитан, Бухоро, Олот, Когон ҳамда Жондор туманларида 15 мингта, Жиззах вилоятининг Бахмал туманида 700 та истеъмолчи электр таъминотидан узилиб қолганди.
