Афғонистон томонидан Ўзбекистон ҳудудига учинчи маротаба ракетали ҳужум бўлганлиги айтилмоқда. Бу ҳақда замонавий Афғонистонни ўрганиш маркази етакчи эксперти Андрей Серенко маълум қилди.

Норасмий манбаларга кўра, Афғон томонидан Ўзбекистонга бу сафар нақд саккизта ракета учирилган. Серенконинг айтишича, ушбу ҳужумни ИШИД террористик гуруҳ аъзолари томонидан уюштирилган.

Таъкидлаш жоиз, аввалроқ  “Толибон” матбуот котиби Забиҳуллоҳ Мужоҳид ўзининг Тwиттер саҳифасида Ўзбекистонга ракета ҳужумини уюштирган шахслар ушланганлиги ҳақида пост жойлаган эди.

“Кеча тунда Қундузнинг Имом Соҳиб туманидаги Қанжаға ҳудудида Ислом Aмирлигининг махсус бўлинмалари "Хаворижлар" марказини топиб, йўқ қилди. Ушбу операцияда уч нафар хавориж ўлдирилди, беш нафари тириклайин қўлга олинди. Яқинда улар Ўзбекистон ва Тожикистонни ракета ҳужумлари билан нишонга олганди" — дея ёзган эди Забиҳуллоҳ Мужоҳид.

Эслатиб ўтамиз, Термизга 5 июль куни Афғонистондан деб тахмин қилинган 5 та ракета келиб тушганди. Натижада, тўртта хусусий уйга зарар етганди.