Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
«Шоли экиш ва уни етиштиришга қаршилик кўрсатилмайди» – Қишлоқ хўжалиги вазирлиги Гурландаги фермерлар норозилиги бўйича муносабат билдирди
Қишлоқ хўжалиги вазирлиги EFFECT.UZ орқали ёритилаётган Гурландаги фермерлар масаласига расмий муносабат билдирди.
Маълумки, мурожаатда фермерларнинг бундан 5 йил аввал ҳоким қарори орқали танловда қўлга киритган ер майдонлари туман прокурорининг даъво аризасига кўра, суд орқали захирага қайтарилаётгани, судлар ҳам бу борада жуда фаол равишда ишлаб, фермерлар манфаатига зид бўлган қарорларни қабул қилаётганлиги баён этилган.
Қишлоқ хўжалиги вазирлигининг ишчи гуруҳи аъзолари мазкур масала ортидан Хоразм вилояти, Гурлан туманида ўрганиш олиб борган.
Ўрганишда Гурлан туман прокуратураси томонидан мазкур туманда фаолият юритаётган 37 та шоличилик фермер хўжаликларига Гурлан туман ҳокимининг «Шоличилик фермер хўжаликлари ер майдонларини мақбуллаштириш тўғрисида»ги қарорларини ҳақиқий эмас деб топиш ҳақида Урганч туманлараро маъмурий судига ариза киритилганлиги аниқланган.
Мазкур аризада Гурлан туман хокимлиги томонидан фермер хўжаликларига қўшимча ер ажратиш юзасидан қабул қилинган қарорларида тендер танловлари ўтказиш тўғрисида оммавий ахборот воситаларида эълон қилинмаганлиги ва танловлар ўтказилмаганлиги важлари асос қилиб кўрсатилган.
Ишчи гуруҳ томонидан туман хокимлигининг ушбу фермер хўжаликларига ер майдони ажратиш ҳақида қабул қилинган қарорлари ва унга оид ҳужжатларини ўрганилганда, «Гурлан ҳаёти» газетасида танлов ўтказиш бўйича эълон берилганлиги ҳамда танлов якунлари бўйича ер участкаларини ажратиш (реализация қилиш) масалаларини кўриб чиқиш туман комиссияси баённомалари расмийлаштирилганлиги аниқланган.
Таъкидланишича, ўрганиш натижалари ишчи гуруҳ аъзолари томонидан Гурлан тумани ҳокими, прокурори ва ҳокимият юрисконсульти иштирокида амалга оширилган.
Бундан ташқари, Гурлан тумани маданият марказида мазкур шикоятни йўллаган фермерлар билан ҳам очиқ мулоқот ўтказилган.
Муаммо юзасидан фикрлари тингланган. Қонуний ва ижобий ечимга келиниши бўйича тушунтиришлар берилган.
Шу билан бирга Гурланлик фермерларга Ўзбекистон қишлоқ хўжалигида ҳар бир маҳсулотнинг ўз ўрни ва аҳамияти борлиги маълум қилиниб, шоли экиш ва уни етиштиришда монеълик бўлмаслиги маъқуллиги таъкидланган.
