title

Сўнги ҳафтада республика аҳолиси ўртасида ЎРИ билан касалланиш ўтган ҳафтага нисбатан 25,5 фоизга камайган, Тошкент шаҳрида 25,4 фоизга камайганлиги кузатилди. Бу ҳақда АОКАда Санитария-эпидемиологик осойишталик ва жамоат саломатлиги қўмитаси раҳбарияти иштирокида ўтказилган матбуот анжуманида хабар берилди.

ЎРИ касаллиги кўрсаткичларида эпидемик бўсағадан (эпидемик парог) 34,3 фоизга пастлиги кузатилмоқда.

Болаларнинг ўткир респиратор инфекция билан касалланиш ёшма-ёш таҳлил қилинганида: касалланишни энг юқори кўрсаткичи 0-1 ёшдаги болалар ўртасида рўйхатга олинган бўлиб, интенсив кўрсаткич шу ёшдаги 100 минг бола сонига нисбатан 368.3 ни ташкил этмоқда.

“Бунга ЎРИ билан касалланган беморларни алоҳидаламаслик, бемор болаларни таълим муассасаларига юбориш ҳамда шифокор билан маслаҳатлашмасдан ўзбошимчалик билан даволаниш асосий сабаблар бўлмоқда”, — деди Нурмат Атабеков.

Грипп ва ўткир респиратор инфекциялар билан оғриган беморларни даволаш мақсадида республика бўйича 8838та бемор ўринлари яратилган бўлиб, уларда 6000 нафар бемор даволанмоқда.

Қўмитанинг ҳудудий лабораториялари томонидан беморлардан олинган лаборатор таҳлил натижаларига кўра гриппнинг А (H3N2) тури аниқланмоқда.

Маълумот ўрнида, Гонконг гриппи А гриппи вирусининг H3N2 серотипидан келиб чиққан ўткир респиратор касаллик бўлиб, касалликнинг бу штамми H3N2 деб аталади. Касалликнинг ўлим даражаси 0,5 фоиздан ошмайди.

Грипп А (H3N2) бу касаллик учун классик симптомлар билан юзага келади, бу оддий грипп вируси келтириб чиқарадиган характерли аломатлардан фарқ қилмайди.

Улар орасида:

- танадаги оғриқлар;

- умумий заифлик ва уйқучанлик;

- бош оғриғи ва бош айланиши;

- мушак оғриғи;

- юқори ҳарорат (кўпинча 39 даражадан юқори);

- кўнгил айниши ва диарея;

- кўзлардаги оғриқ,

ёш ва оғриқ;

- томоқ оғриғи ва қуруқ йўтал.