EFFECT.UZ – ҲАҚИҚАТ УЧУН!
Сўнгги янгиликлар
Иштаҳа нима сабабдан йўқолади?

Иштаҳа нима сабабдан йўқолади?

Иштаҳа — организмнинг овқатга бўлган ёқимли эҳтиёж сезгиси, шунингдек, унга кирадиган озиқ моддалар миқдорини белгилайдиган физиологик механизм. Иштаҳа пайдо бўлиши бош миянинг овқат маркази фаолияти билан узвий боғлиқ.

Иштаҳанинг йўқолиши бир неча касалликлардан дарак беради. Ўзи нима сабабдан иштаҳа йўқолади?

Бу ҳолатни иккига бўлиш мумкин; патологик ва патологик бўлмаган.

1.Патологик сабаблар

1. Ичак дисбактериози

Овқат ҳазм қилиш жараёнида фойдали ва патоген микроорганизмлар иштирок этади. Шу жараёнда уларнинг мувозанати бузилса, организм фаолиятида бузилиш юз беради ва озиқ-овқатдан керакли микроэлементларни ўзлаштира олмайди.

2. Сурункали ошқозон-ичак касалликлари

Ошқозон яраси, гастродуоденитдан далолат бериши мумкин. Касалликнинг дастлабки белгилари пайдо бўлиши билан шифокорга мурожаат қилиш зарур.

3. Юрак-қон томир касалликлари

Қон томирларининг ёмонлашиши, организмнинг умумий заифлиги, қон босимининг ошиши ва бунинг натижасида кўнгил айнишининг юзага келиши.

4. Дори воситаларига бўлган қарамлик

Доимий равишда дори-дармонлар қабул қилиш ошқозон-ичак ишини қийинлаштиради. Бунинг натижасида гастрит, ошқозон яраси ва ошқозон ости бези патологияси юзага келиши мумкин.

5. Организмдаги вирус ва инфекциялар

Касалликларда кўп ҳолатларда иштаҳа йўқолиши мумкин, чунки барча кучлар вирусларга қарши курашишга қаратилади. Кўп миқдорда токсинлар заифлик ва кўнгил айнишга олиб келмаслиги учун сув мувозанатини сақлаш керак. Бу дегани инсон танаси ҳар қачонгидан сувга эҳтиёжи ошади ва кўпроқ сув истеъмол қилиш тавсия этилади.

6. Руҳий муаммолар, невроз

Юқори зўриқиш, стресс, дам олиш ва маънавий қўллаб-қувватлаш йўқлиги апатия, тушкунликка олиб келади. Мазкур муаммолар кўпинча заифлик, кўнгил айниши, чарчоқ ва иштаҳанинг пасайиши билан тўлдирилади.

2.Патологик бўлмаган сабаблар

Баъзан инсонда ўз ихтиёри билан овқатдан бош тортадиган вазиятлари бўлади. Бу ҳеч қандай касалликнинг белгиси ҳисобланмайди. Мазкур вазиятда аломатлар 4-5 кундан йўқолиб, иштаҳа ўз ўрнига келади.

Тиббий ёрдам, дори-дармонлар қабул қилишга ҳожат йўқ.

Саломатликка салбий таъсир кўрсатмайди.

Симптомлар ойига бир мартадан ортиқ такрорланмайди.

Иштаҳа йўқолиши кескин вазн йўқотишга олиб келмайди.

Патологик бўлмаган сабаблар қуйидагилар:

1. Ортиқча овқатланиш

Агар сиз кундуз кунлари яхши овқатланмасангиз кечга бориб иштаҳа икки баробарга ошади. Бунинг оқибатида ошқозон-ичак тракти кун бўйи зўриқишга дуч келмаганлиги сабабли уйқуга тайёргарлик кўриш вақтида истеъмол қилинган овқат ёмон уйқуга, кўнгил айниши ва қайт қилишга, буларнинг барчаси иштаҳанинг йўқолишига олиб келади. Шу сабабли шифокорлар кечки овқатларни енгил ҳазм бўладиган бўлишини тавсия қилишади.

2. Узоқ муддат оч қолиш

Инсон ўз ихтиёри билан онгли равишда овқат истеъмол қилишни чекласа, кўнгил айниши ва заифликни келтириб чиқаришига олиб келади. Ошқозонга узоқ муддат овқат тушмаса, ажралиб чиқарилаётган шира шиллиқ қаватни таъсирлантира бошлайди. Овқатланмаслик оқибатида иш қобилияти пасаяди ва кучсизлик пайдо бўлади. 

3. Организмдаги вирус ва инфекциялар

Касалликларда кўп ҳолатларда иштаҳа йўқолиши мумкин, чунки организмдаги барча кучлар вирусларга қарши курашишга қаратилади.

Ҳар бир касалликнинг ўз сабаблари бўлади. Шу сабабли ҳам иштаҳанинг йўқолишининг сабаблари тезликда аниқланиши ва шифокорга мурожаат қилиш зарур. Бир неча кун давомида иштаҳанинг йўқ бўлиши турли касалликларни келтириб чиқара бошлайди. Мисол учун ошқозон ва ичак фаолиятида бузилишлар, қон босимининг пастлаши, умумий заифлик. Шу сабабли иштаҳа йўқолиши сабаблари ўрганилиши ва шифокор қабулига борилиши зарур.

Болаларда иштаҳанинг йўқолиши кўп ҳолатларда инжиқлик оқибатида ёки организмдаги касаллик сабабли бўлиши мумкин. Шу сабабдан уларни шифокорга олиб боришдан олдин турли рангли ва иштаҳани очувчи ширинлик ва таомлар бериб кўриш зарур. Агарда шунда ҳам бу ҳолат давом этса, кечиктирмаган ҳолда шифокорга олиб бориш керак.

 

 

                                                                                                  

 

 

 

 

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив