EFFECT.UZ – ҲАҚИҚАТ УЧУН!
Сўнгги янгиликлар
Сайёҳлар учун севимли маскандан тонналаб чиқинди олинмоқда. Шунчалик бефарқмизми?

Сайёҳлар учун севимли маскандан тонналаб чиқинди олинмоқда. Шунчалик бефарқмизми?

Иссиқ мавсумлар бошлангач Ўзбекистонда туриcтик оқим ҳам кучая бошлайди. Жумладан, Тошкент вилоятининг Бўстонлиқ тумани ўзига маҳаллий ва хорижий мехмонларни жалб қилади. Бир куннинг ўзида бу ерга 48 мингта сайёҳлар келиши, бу жойнинг нақадар машҳурлиги ва аҳамиятли эканини билдиради.

Тасаввур қилинг-а! 50 мингга яқин Ўзбекистоннинг ва дунёнинг турли жойларидан меҳмонлар келади. Аммо, шу меҳмонларнинг ўзидан қолдириб кетаётган чиқиндилари ҳам шу қадар кўп ва салмоқли бўлади. Албатта, гап эгасини топади, чунки сайёҳлар ичида тозаликка риоя қиладиган ва ўзидан ахлат қолдирмайдиганлар ҳам бор. Афсуски, ҳаммага нисбатан ҳам бундай сўзни ишлата олмаймиз.

Бугун, 20 июнь куни ТРЗ "Чорвоқ", Ўзбекистон Республикаси Туризм ва маданий мерос вазирлиги ва Бўстонлиқ тумани ҳокимияти томонидан ташкил этилган журналистлар учун пресс-тур доирасида Бўстонлиқ туманидаги аҳвол билан яқиндан танишдик.

Айтиб ўтиш жоизки, аҳвол сиз ўйлаганингиздан анча аянчли кўринишга келиб қолган. Бунга “Тоза ҳудуд” жамияти томонидан 1 июньга қадар тумандан 88 тонна чиқинди олиб чиқилгани ҳақидаги статистика ҳам мисол бўла олади. Қуйида эса инсонийлик қадриятини унутиб табиатнинг “бежаб” қўйилгани акс этган суратларни кўрсатамиз:

Журналистларга Бўстонлиқ туманидаги масканларнинг аҳволини "Чорвоқ" ТРЗ дирекцияси директори ўринбосари Суна Парк яқиндан таништирди. 

Ўзбекистоннинг дунёга танилган Самарқанд, Бухоро, Хива шаҳарлари каби Бўстонлиқ тумани ҳам шу қаторга киради. Бу ерда қадимий шаҳар қолдиғларини, қўрғонлар, ноёб керамикаларни тепаликка чиққанингизда оёқ остингизда топиб олишингиз мумкин. Бўстонлиқ туманида 120 дан зиёд археологик ва маданий меърослар мавжуд. 

Албатта, биринчи навбатда нега бу чиқиндиларни махсус хизматлар йиғиштиришмайди деган савол туғилади? ТРЗ “Чорвоқ” дирекцияси бир тажриба қилиб Ғолвасой тепалигидаги машҳур пикник зонада аҳлатларни йиғиштириш ва ободонлаштириш ишлари амалга оширилди. 2 ҳафтадан сўнг, қарабсизки, чиқиндилар сони икки баробарга кўпайиб кетган. 

Бўстонлиқ туманининг “Тоза Ҳудуд” жамиятининг маълумотига кўра 1 июнга қадар 88 тонна чиқинди олиб чиқилган. Бундай ката сондан даҳшатланмасликни иложиси йўқ. Дунё тажрибасига назар ташласак, Бўстонлиқ тумани каби жойлар камдан кам хизмат кўрсатиш жойи бўлади ва тозалиги келаётган сайёҳларнинг онги юқорилиги сабабли тозаликка риоя қилинади. Афсуски, чиқиндилар сони бунчалар кўплиги ва паст фуқаровий жавобгарликни деб барча ободончилик ҳизмати ҳодимлари жалб қилинса ҳам ободонлашмайди. 

Қуйидаги суратларда ҳам пикник зоналарининг ҳозирги ҳолатини кўришимиз мумкин.

Қизиқувчи давлат ёки бизнес вакиллари иштирокида пикник-зоналарни ободонлаштириш, чиқинди ташлаш учун қутилар ўрнатиш, дарахтлар экиш, ҳашарлар ўтказиш ва чиқиндиларни утилизация қилиш нуқталарини ўрнатиш режалаштирилган. Лекин, туманни ободонлаштириш ишлари билан бир қаторда, Бўстонлиқ туманининг ресурслари ва табиатига масъулиятли муносабатни шакллантириш ҳам зарур.

Бизнес вакиллари ўзларининг савдо обектини очиши, чиқинди йиғиштириладиган тизимни яратган ҳолда қўриқланувчи пикник-зоналарни яратиши, ҳамда Бўстонлиқ туманини ривожланишига ўз ҳиссаларини қўшишлари мумкин. Шуни айтиш жоизки, ТЗР аъзолари қатор преференсия ва имтиёзларга эга бўладилар.

Қуйидаги расмлар орқали эса Бўстонлиқ туманининг сўлим манзараларидан, жонли табиатидан баҳраманд бўлишингиз мумкин.

Журналист: Жавоҳир Қадамов

Оператор: Иброҳим Усмонов

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING