title

Namangan viloyati IIB Effect.uzʻda “Namanganda IIB xodimi sportchini oʻgʻirlikda gumonlab, kaltaklagan” sarlavhasi ostida eʼlon qilingan videomaterialga rasmiy munosabat bildirdi.

Yoritilgan holat yuzasidan jinoyat ishi hujjatlari oʻrganilganda, Sh.Odiljonov, fuqaro I.Yu., voyaga yetmagan S.Q.ni jinoiy xatti-harakatlar qilishga jalb qilib, 2022-yil 2-may kuni soat 01:30 larda Namangan shahar, Xalqlar doʻstligi MFYda yashovchi fuqaro M.S.ning ishonchiga kirib, unga tegishli boʻlgan, “Samsung A20" rusumli telefon apparatini aldab olishga erishib, fuqaro ularga telefonni qaytarishlarini bir necha marotaba aytganligiga qaramasdan, telefonni qaytarib bermasdan, uni boshqa bir fuqaro A.I.ga 800.000 soʻm evaziga sotib, pullarni shaxsiy ehtiyojlari uchun ishlatib yuborgan.

Sh.Odiljonovning harakatlari voyaga yetmagan S.Q.ni jinoiy xatti-harakatlar qilishga jalb etish, bir guruh boʻlib, oʻzganing mol-mulkini aldash yoki ishonchni suiisteʼmol qilish yoʻli bilan qoʻlga kiritish, yaʼni Oʻzbekiston Respublikasi JKning 127-moddasi 3-qismi hamda 168-moddasini 2-qismi “b” bandi bilan malakalangan.

Mazkur jinoyat ish 26-sentyabr kuni JIB Chortoq tuman sudi tomonidan koʻrib chiqilib, Sh.Odiljonov Oʻzbekiston Respublikasi JKning 168-moddasini 2-qismi “b” bandi bilan aybli deb topilib, 2 yil muddatga axloq tuzatish ishlari jazosi tayinlangan.

Prokuratura organlari tomonidan oʻtkazilgan tekshiruv hamda tibbiy koʻriklar Sh.Odiljonovning “IIB xodimlari qiynoqqa solganligi” haqidagi vajlari haqiqatga toʻgʻri kelmasligini koʻrsatgan.

Izohlar 1

Абдунаби Абдиев

2023-Jan-13 12:44

Йук, булар хеч нарсани тан олишмайди, булар ок кийик, бошкалар тухматчи. Тизимга теккан шу касалликдан качон воз кечар эканмиз? Качонки тизим тозаланмас экан шундай муносабат давом этаверади.