So`ngi yangiliklar
“Oʻqituvchilarga imtiyozli avtokredit orqali avtomobillarni sotishga tayyormiz” – “Oʻzavtosanoat”
Aydar–Arnasoy koʻllar tizimi – kimning tizginida?
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
“Dunyoqarashi va saviyasi past shaxslar deputat boʻlganligi — eng katta fojiamizdir” — Kusherbayev
Oliy Majlis Qonunchilik palatasi deputati Rasul Kusherbayev Xalq deputatlari Yangi Namangan tumani Kengashi kotibiyati mudiri, deputat Muzaffar Jamolitdinovning Facebookʻda yozgan postini tanqid qildi.
“Fuqarolarni energiya taʼminotidagi muammolar haqida gapirtirmaslik, tinchlikni qadriga yetish uchun uchun ularga qamoq bilan tahdid qilish demokratik jamiyatga xos boʻlmagan uslub.
Achinarlisi, bunday bayonotlarning xalq saylagan(saylagan boʻlsa) xalq vakillaridan chiqishi hech bir qolipga sigʻmaydi.
Bu kabi dunyoqarashga ega bilim va saviyasi past, saylovchilar manfaatini himoya qilmaydigan shaxslarning deputat maqomiga erishib qolayotganligi aslida eng katta fojiamizdir”, — deb yozdi deputat oʻzining Telegram kanalida.
Qayd etish kerak, Xalq deputatlari Yangi Namangan tumani Kengashi kotibiyati mudiri, deputat Muzaffar Jamolitdinov oʻzining Facebook sahifasida ijtimoiy tarmoqlarda gaz, “svet” va gaz quyish shoxobchalaridagi navbatlarni tanqid qilayotgan fuqarolarni qoralab chiqqan edi.
“Ijtimoiy tarmoqda gaz, “svet” yoʻqligidan noliyotganlarni shaxsini surishtirib koʻring birortasi qamalib chiqqan emas. Yaʼni qamalib ozodlikdan mahrum boʻlganlar ozodlik, erkinlik va tinchlik qadriga shu darajada yetadiki, gaz, svet muammosi ahamiyatsiz boʻladi.
Qamalib chiqqan odam qoʻrqqanidan emas, tinchlik va xotirjamlikni qadrini bilganidan gaz, “svet” muammosini gapirmaydi.
Yaʼni tinchlik, xotirjamlik, ozodlik va erkinlik bebaho tengi yoʻq, katta neʼmat, shamda oʻtirsang ham uyingda oʻtir, IIBni kamerasida emas. Sovuqda oʻtirsang ham bola-chaqangni oldida oʻtir, «Milliy xavfsizlik" — (MXX Prezident farmoniga koʻra, 2018-yil qayta tashkil etilib, DXX deb nomlangan edi) kamerasida emas.
Metan “zapravka”da navbatda tursang ham mayli Uychi “turmani” “sanchasti”da navbatda turma. Maʼlumot uchun, Uychi “turmani” kameralari issiq va yorugʻ. U yerda hech qachon “svet” oʻchmaydi kameralarga sovuq kiradigan ochiqlikda emas. Hamma joyi yopiq. Xulosa chiqaring”, — deb yozgandi deputat.
