So`ngi yangiliklar
“Oʻqituvchilarga imtiyozli avtokredit orqali avtomobillarni sotishga tayyormiz” – “Oʻzavtosanoat”
Aydar–Arnasoy koʻllar tizimi – kimning tizginida?
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Egey, Turk Riviyerasi, Ilija: Turkiyadagi eng goʻzal sohillar...
Egey va Turk Riviyerasi bilan Oʻrta Yer dengizining qoq markazida joylashgan Turkiya dunyodagi eng manzarali sohillariga ega.
Yozda Turkiyaning goʻzal sohillari moviy va yashil ranglarni uygʻunlashtirib, dam olish va oʻyin-kulgi uchun turli imkoniyatlarni va turli xildagi qiziqarli tadbirlarni taklif etadi.
Turk Riviyerasi: Orzungizdagi taʼtil…
Turk Riviyerasining qoq markazida joylashgan Antaliya oʻzining Aspendosdan Miragacha, Sidedan Pergegacha boʻlgan koʻplab tarixiy joylari, uzun qirgʻoq chizigʻi, feruza suvlari, sokin koʻrfazlari va har xil sport tadbirlari bilan yuqori baholangan dam olish maskanlaridan biridir.
Goʻzal sohillari bilan tanilgan va 231 ta moviy bayroq sertifikati bor plyajlarga ega boʻlgan Antaliyada, deyarli har bir yoʻl bir sohilga olib chiqadi. Baʼzi plyajlar kilometrlarcha uzunlikda boʻlsa, boshqalari togʻlar va koʻrfazlarda oʻrin olgan yashirin sohillardir. Masalan, Kaputash...
Kash-Kalkan yoʻlidagi Kaputash, oq qumli sohili va moviy dengizi bilan diqqatga sazovordir. Oʻzining ajib sehri bilan bu kichik sohil dunyodagi eng goʻzal 50 sohillardan biri deb topildi. Uzunligi 14 km boʻlgan Turkiyaning ikkinchi eng uzun sohili - Patara ham Antaliyada joylashgan. U dengiz toshbaqalarining koʻpayish joylaridan biri sanaladi.
Moviyning ming bir tusi sayohati...
Bodrum, shubhasiz, Turkiyaning baxt sohili boʻlgan Egey dengizidagi eng mashhur dam olish maskanlaridan biridir. Shaffof dengizi, oltin tusli qumlari va qirgʻoq chizigʻi bilan mintaqa quyosh va dengizni sevuvchilar uchun mukammal yozgi dam olish maskanidir. Bodrum markaziga eng yaqin sohillardan biri boʻlgan Gumbet sohili moviy rangning farqli tuslarini birlashtirgan dengizni taklif etadi.
Qayiqda sayohatlar, turli suv sportlari va shoʻngʻish klublari unutilmas tajribalarni vaʼda qiladi. Bitez sohili suzish va boshqa suv faoliyati uchun mukammal tanlovdir. Bitez sohili keng qumli qirgʻogʻi va hayratlanarli manzaradan tashqari, koʻplab kafe va restoranlar bilan oʻralgan.
Bodrumning sevimli dam olish maskani Turkbuku markazida joylashgan Goʻlturkbuku sohili shaharning eng jonli joylaridan biridir. U oʻzining sohilda joylashgan koʻngilochar klublari bilan koʻtarinki kayfiyatni vaʼda qiladi.
Izmir: Turkiyaning yuragi...
Izmir deganda xayolga ilk keladigan narsa bu shaharning eng mashhur sayyohlik maskani Cheshmedir. Ilija va Alachati sohillari goʻzal dengizi va oltin qumlari bilan Cheshmening yulduzlaridir. Sokin va mayin toʻlqinli suvlari bilan mashhur Alachati sohili Cheshme markazidan taxminan 13 kilometr uzoqlikda joylashgan.
Cheshmedagi eng toza sohillardan biri boʻlgan Alachatida Egey quyoshi ostida toblanishingiz va mazali kokteylingizdan bahramand boʻlishingiz mumkin. Cheshmening Ilija tumanida joylashgan Ilija sohili mintaqadagi yana bir mashhur “qochish” nuqtasidir.
Ilija, atrofidagi dengizlarni ilitadigan sayoz, issiq shifobaxsh maʼdanli suvlari bilan yaxshi tanish. Egey dengizining olmosek tiniq suvlarida suzish, istalgancha quyosh ostida hordiq chiqarish va moʻtadil ob-havodan zavqlangancha taʼtilingizdan toʻlaqonli zavq olishingiz mumkin.
Chanoqqalʼa: Shimoliy Egeydagi marvarid...
Turkiyaning Egey dengizi sohilidagi koʻplab shaharlar yoz oylarida sayyohlar bilan toʻlib toshadi. Ulardan biri esa Chanoqqalʼada joylashgan mayin toʻlqinli dengizi va yashilga burkangan tabiati bilan maftun qiluvchi Assos sohillaridir. Mintaqada eng mashhur ikki sohil boʻlib, ulardan biri ikkala tomondan zaytun daraxtlari bilan oʻralgan Assos Sokakagʻzi va Kadirga koʻrfazidir.
Biroq, Chanoqqalʼa, Bozjaada va Goʻkcheada haqida gapirganda, ikkita goʻzal Turk Egey orollarini unutmasligimiz kerak. Chuqur moviy dengizi va ipak qumi bilan Bozjaadaning Ayazma sohili Egey dengizining eng mashhurlaridan biridir. Turk Egeyning eng katta oroli Goʻkcheadada uzunligi 1200 metr boʻlgan Aydinjik sohili, soʻrfingchilar tashrif buyuradigan yana bir sevimli manzildir.
