So`ngi yangiliklar
“Oʻqituvchilarga imtiyozli avtokredit orqali avtomobillarni sotishga tayyormiz” – “Oʻzavtosanoat”
Aydar–Arnasoy koʻllar tizimi – kimning tizginida?
SSP raisi oʻrinbosari Nodira Shotursunova Namanganda faol va tashabbuskor ayol tadbirkorlar bilan uchrashdi
Storitelling va mutolaaning inson rivojidagi oʻrni...
Parlamentda Nukus voqealari bo‘yicha tuzilgan komissiya axboroti tinglandi
Navoiyga Mongoliyadan 1000 boshga yaqin Bayat zotiga mansub qo‘ylar olib kelindi
Faollar aytayotgan “iqtidor” egasi oddiy “Virtual valyutachi” boʻlgan...
Rustam Minnixanov boshchiligidagi Tatariston delegatsiyasi Navoiy viloyatiga tashrif buyurdi
Muammo ketidan muammolar: Klasterlar va fermerlar oʻrtasidagi munosabatlar haqida...
“Klaster fermerni har koʻyga solishi mumkin va bu uchun unga nisbatan biron chora koʻrilishi amri mahol. Oʻgʻit, yoqilgʻi va boshqa manba-yu vositalarni birjadan arzon olib, fermerga qimmat sotish, toʻlovlarni vaqtida qilmaslik, paxta qabul qilish punktlarida mahsulot sortini pasaytirish va hokazo, va hokazo ishlar – bularning barchasi haqida bizga juda koʻp murojaatlar tushgan. Fermer dod desa, hech kim eshitmaydi.
Qishloq xoʻjaligi klasterlariga nisbatan har qanday tanqidiy chiqishlar oʻsha klasterlar tomonidan qarshilikka uchraydi:
“Biz koʻplab ishchi oʻrinlari yaratyapmiz, mahsulot ishlab chiqaryapmiz” deb chiqishadi, bloger-u jurnalistlar uchun press-turlar uyushtirishadi va hokazo.
Ammo masala qaysidir korxonalarning “yaxshi yoki yomonligi”da emas, gap istiqboli koʻrimsiz boʻlishi avvaldan maʼlum boʻlgan, bozor tamoyillariga zid, hech bir tomonga xotirjam, vijdon tinch boʻladigan holatda ishlash imkonini bermaydigan tizim shakllanganida.
U yer-bu yerda paydo boʻla boshlagan, fermerlarning koʻngilli birlashuvi asnosida kurtak ola boshlagan qishloq xoʻjaligi kooperativlari mahalliy maʼmuriy idoralarning noqonuniy qarshiligiga uchraganini yoritgan edik.
Shu yerda aytish kerakki, soʻz erkinligi boʻlmaganda bunaqa holatlarni jamoatchilik bilmay ham qolardi, va “oʻzboshimcha fermerlar”ning ovozi allaqachon oʻchirilgan boʻlardi...
Nega kerak boʻldi bu idoralarga ikki tadbirkorlik subyekti ishiga aralashish degan savolga javob shuki, qishloq xoʻjaligi sohasi hamon katta korrupsion maydonligicha qolmoqda.
Va buning hech hayratlanarli joyi yoʻq – fermer oʻz mahsulotini oʻzi egalik qiladigan tizim shakllanmaguncha, uning mehnati mahsulini korrupsion yoʻl bilan oʻzlashtirishga urinish – tabiiy hol. Madomiki, muayyan mahsulotning egasi aniq emas ekan, unga turli yoʻllar bilan “egalik” qilishga uriniladi – korrupsiya uchun tayyor ozuqa va maydon".
Shokir Sharipov, jurnalist
