title

- Бугунги кунда таҳририятимизга ерларнинг аукцион савдолари билан боғлиқ турли саволлар бўлмоқда. Келинг, дастлаб шу саволга ўзингиз жавоб бериб ўтсангиз.

- Ер кодексининг 23-моддасига асосан тадбиркорлик ва шаҳарсозлик учун қишлоқ хўжалигига мўлжалланмаган ерлар электрон онлайн-аукцион орқали ижара ва мулк ҳуқуқи асосида ажратилади.

Ерларни аукцион орқали сотиш тартиби Вазирлар Маҳкамасининг қарори билан тасдиқланган низом талаблари асосида амалга оширилади.

- Пойтахтда жорий йил қанча ер ауционга чиқарилди?

- Тошкент шаҳрида 2022 йилнинг 15 декабрь ҳолатига, «Қишлоқ хўжалигига мўлжалланмаган ер участкаларини хусусийлаштириш тўғрисида»ги Ўзбекистон Республикаси қонунини амалга ошириш чора-тадбирлари ҳақида»ги Вазирлар Маҳкамасининг 71-сон қарорига асосан Тадбиркорлик ва шаҳарсозлик мақсадаларида ер участкаларини электрон аукцион савдоларига чиқариш бўйича жами 663 та (155,85 га) бўш ер майдонлари аукцион орқали реализация қилиш мақсадида ваколатли ташкилотлар муҳокамасига киритилган.

Мазкур ер участкаларининг:

425 таси (95,18 га, бошланғич нархи 508,64 млрд. сўм) электрон аукцион савдо майдончасига чиқарилган.

Аукцион орқали умумий майдони 59,04 га бўлган 265 та ер участкалари 357,70 млрд. сўмга сотилган.

Ҳозирда савдода умумий майдони 33,69 га бўлган 137 та ер участкаси мавжуд бўлиб, уларнинг бошланғич нархи 200,37 млрд. сўмни ташкил этади.

Бундан ташқари:

- умумий майдони 12,73 га бўлган 141 та ер участкалари ваколатли ташкилотлар муҳокамасида рад этилган;

- умумий майдони 47,93 га бўлган 97 та ер участкалари ваколатли ташкилотлар муҳокамасида.

Қандай ҳолатда ерларни аукцион савдоларига чиқариш бўйича киритилган таклифлар рад этилиши мумкин?

Агар ҳудудда ер ости муҳандислик тармоқлари (газ, электр тармоқлари, канализация ва ичимлик суви қувурлари) мавжуд бўлса, ушбу кўрсатилган ҳудудни ажратишнинг имкони бўлмайди. Шу билан биргаликда ажратилиши режалаштирилган ер майдони қурилиш чизиғидан ташқарига чиқиб кетган, қисман кўчанинг қизил чизиғи ва муҳандислик тармоғи ҳимоя ҳудудида жойлашган бўлса, бундай ҳолатдаям билдирилган таклиф рад этилади.

Фуқаро ва тадбиркорлар ҳам бўш турган ер участкасини танлаб, уни аукционга қўйиш масаласини кўриб чиқиш бўйича таклиф киритиши мумкинми?

Ҳа, мумкин. Туман (шаҳар) қурилиш бўлими филиал билан биргаликда ҳудудлар ва аҳоли пунктлари, мастер-режа ва шаҳарсозлик ҳужжатлари, шунингдек, жисмоний ва юридик шахслар, маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокими ёрдамчиларининг «YERELEKTRON» ААТнинг очиқ электрон портали орқали юборилган таклифларини кўриб чиқиш натижалари асосида тадбиркорлик ва шаҳарсозлик фаолияти учун бериш мумкин бўлган ер участкалари бўйича ер танлаш материалларидан иборат таклифларни тайёрлайди.

- Ҳамюртларимиз Тошкент шаҳрида аукционга чиқарилган ерлар ҳақида қандай хабардор бўлишлари мумкин?

- Тадбиркорлик учун мулк ва ижара ҳуқуқи билан савдога чиқарилган ер участкалари ҳақидаги маълумотларни e-auksion.uz сайти орқали олиш мумкин. Бундан ташқари, Бошқармамизнинг ижтимоий тармоқдаги t.me/kadastr_uzb расмий саҳифасида ҳам мунтазам аукцион савдолари ҳақидаги маълумотлар ёритиб борилади.

Яна бир муҳим эслатма: “E-AUKSION” электрон савдо платформаси орқали фуқаро ва тадбиркорлар шаффоф, очиқ йўл билан ер участкаларини сотиб олишлари мумкин.

Жасур Каримов, Давлат кадастрлари палатаси Тошкент шаҳар бошқармаси бошлиғи