Мингбулоқ тумани ҳокимлиги Effect.uz томонидан эълон қилинган мақолага муносабат билдириб ўтди.  Ҳокимлик мақолада келтирилган фактларнинг ҳар бирига индивидуал тўхталиб ўтган. 

Ҳокимликка кўра, туманда 2023 йил хосили учун 8 минг 901 гектар майдонга ғалла экиш режалаштирилган. Шунингдек, туманда 110 нафар чорвачилик, паррандачилик ва балиқчилик хўжаликларининг 1266 гектар майдонида ўзларининг эҳтиёжлари учун ғалла етиштирилади.

Ғаллани ўз муддатларида экиб, ундириб олиш мақсадида жами 21 та ер тайёрлаш ва экиш отрядлари ташкил этилди. 

Ташкил этилган отрядларга жами 21 та минерал ўғит солиш НРУ мосламаси, 21 та ғўза қатор орасига экиш мосламаси, 21 та кулътиватор, 21 та бритвали кулътиваторлар, 6 та ёнилғи маҳсулотларини етказиб бериш учун АТУ техникалар  бириктирилди.

Ғалла экиш билан бирга гектарига 200 кгдан жами 244 тонна (19 млрд. 566 млн сўмлик) аммафос, 50 кг дан жами 39 тонна (1 млрд. 47 млн сўмлик) калий минерал ўғитлар, ер тайёрлаш ва экиш ишларини ташкил этиш учун 240 тонна (2 млрд 592 млн сўмлик) ёқилғи мойлаш материаллари, 2 минг 225 тонна (20 млрд 25 млн сўмлик) уруғлик, 6 млрд 154 млн сўм механизация хизмати ва 156 млн сўм иш хаққи хисоб-китоблари ишлаб чиқилган.

Фосфорли ва калийли ўғитлар, ёқилғи мойлаш материалларини ҳар бир ғалла экадиган хўжаликка тизимли етказиб бериш мақсадида туман ҳокимлиги томонидан фермер хўжаликларига ғаллачилик кластерлари билан ҳамкорлик қилишлари бўйича тавсия берилган.

Жаноб Кенжаев ҳокимлик томонидан фермерларга қай тарзда тавсия берилган? Босим ва тахдид биланми? Гарчи улар ўзларига берилган имтиёзли кредитларни қарзларини қоплашга сарфлаб юборган бўлса-сада, ҳоким нега айнан "Art soft" кластерига кредитларни йўналтиришга ҳаракат қилмоқда? 

Кенжаев қовун ҳақида ҳужжатли фильм бекорга эслатиб кетилмаган, чунки сизлар катта муаммолар қолиб, тунги клубда қўлга олинган қизларга Абдулла Қодирийнинг "Ўткан кунлар" романини совға қилиш билан бандсизлар.