Сўнгги янгиликлар
Автотранспортлар учун экологик стикерлар бериш тартиби тасдиқланди
ИИВ Қўриқлаш департаментига раҳбар тайинланди
ИИВ тизимида Қўриқлаш департаменти фаолияти йўлга қўйилди
Ўзбекистонда “Бюрократияни бартараф этиш – 2030” дастури ишга туширилади
Ўзбекистонда “очиқ банкинг” ва токенлаштирилган молиявий воситалар учун янги тизим жорий этилади
Ҳукумат “Электр энергиясини ҳисобга олиш тартиби”ни тасдиқлади
Ўзбекистонда финтех соҳасини қўллаб-қувватлаш учун янги тизим ва инвестиция механизмлари жорий этилади
Ўзбекистон ва Nvidia ҳамкорлигида суперкомпьютер кластери ишга туширилади
Автотранспортлар учун экологик стикерлар бериш тартиби тасдиқланди
Ўзбекистонда автотранспорт воситаларининг экологик синфига қараб уларга махсус “яшил”, “сариқ” ва “қизил” рангли экологик стикерлар берилади. Ҳукуматнинг 2025 йил 28 ноябрдаги 750-сон қарори билан бу жараённи тартибга солувчи низом тасдиқланди.
Ҳукумат қарорига мувофиқ, автотранспорт воситаларидан чиқариладиган ифлослантирувчи моддаларнинг ҳавога таъсирини баҳолаш, экологик тоифаларни аниқлаш ва экологик стикерлар бериш тартиби белгилаб қўйилди.
Низомга кўра, транспорт воситасининг экологик тоифаси ишлаб чиқарувчи томонидан тасдиқланган экологик синф асосида белгиланади.
Шу асосда транспорт воситалари қуйидаги тартибда тоифаланади:
Бензин, сиқилган ва суюлтирилган газда ҳаракатланувчилар:
“Евро-2” ва ундан юқори — “тоза” тоифа
“Евро-0” ва “Евро-1” — “ўрта” тоифа
Дизел ёқилғисида ҳаракатланувчилар:
“Евро-4” ва ундан юқори — “тоза” тоифа
“Евро-3” — “ўрта” тоифа
“Евро-0”, “Евро-1”, “Евро-2” — “зарарли” тоифа
Гибрид, муқобил ёқилғи туридаги ҳамда ишлаб чиқарилганига 3 йилдан ошмаган автомобиллар — “тоза” тоифа
Рўйхатга олиш ёки қайта рўйхатга олиш жараёнида транспорт воситасининг тоифасига мос равишда экологик стикерлар Давлат ЙҲХХ бўлинмаларида экологик операторлар томонидан берилади.
Транспорт эгалари истагига кўра, экологик стикерни ихтиёрий равишда олиш учун Ички ишлар вазирлиги Жамоат хавфсизлиги департаменти ЙҲХХ хизматига расмий веб-сайт ёки ЯИДХП (my.gov.uz) орқали мурожаат қилиши мумкин.
Белгиланган талабларга жавоб берганда, транспорт воситасига унинг экологик тоифасига мос стикер тақдим этилади. Стикерлар муддатсиз амал қилади.
.jpg)
