EFFECT.UZ – ҲАҚИҚАТ УЧУН!
Сўнгги янгиликлар
“Ўзбекгидроэнерго” АЖ: “Fitch ratings” агентлигининг халқаро кредит рейтингини сақлаб келмоқда

“Ўзбекгидроэнерго” АЖ: “Fitch ratings” агентлигининг халқаро кредит рейтингини сақлаб келмоқда

“Ўзбекгидроэнерго” АЖ 2022 йилда ҳам жаҳонда етакчи “учлик” рейтинг агентликларидан бири ҳисобланган “Fitch Ratings” халқаро рейтинг агентлигининг “BB-” барқарор халқаро кредит рейтингини қўлга киритди.

Маълумки, 2020 йилда жамият рейтинги B+ (барқарор) бўлган бўлса, 2021 йилда BB- (барқарор) даражасига кўтарилди. 2022 йилда ҳам “Ўзбекгидроэнерго” АЖ “BB-” барқарор халқаро кредит рейтингини сақлаб келмоқда.
“Fitch Ratings” халқаро рейтинг агентлиги “Ўзбекгидроэнерго” АЖнинг нафақат молиявий-иқтисодий бизнес стратегияси ҳолатини, балки унга тузилган модел барқарорлиги ҳамда корпоратив бошқарув тизими ва бошқа йўналишларни ҳам чуқур ўрганиб, таҳлил қилди. Жамиятда фаолият юритаётган минглаб ишчи-ходимларнинг меҳнати самараси ва рейтинг агентлиги томонидан олиб борилган ўрганишлар, чуқур таҳлиллар ҳамда корхоналар фаолиятининг мустақил баҳоланиши натижасида “Ўзбекгидроэнерго” АЖ республикада ишлаб чиқарувчи корхоналар орасида биринчилардан бўлиб  “Fitch Ratings” халқаро кредит рейтингининг “BB-” даражасини қўлга киритди.

Шунингдек, дунёнинг илғор консалтинг компаниялари жалб қилинди. Жумладан, молия соҳасига “Pricewaterhousecoopers”, рақамли трансформация бўйича Россиянинг “X-Holdings”, корпоратив бошқарув ва инвестиция дастурини қайта кўриб чиқиш учун “McKinsey & Company” корхоналари билан ҳамкорлик ўрнатилиб, Жамиятни ривожлантириш бўйича зарурий маслаҳат ва тавсиялар олинди.
Яна бир муҳим жиҳат. Жамиятга киритилаётган инвестиция кўламининг жозибадорлиги ва уни бошқаришдаги салоҳияти, Жамиятнинг кредит елкасини (target laverage) керакли даражада назорат остида олиб борилаётган тизимли ислоҳотлари самараси мазкур ижобий натижани барқарор сақлаб қолишга хизмат қилди.  
Жамият томонидан 2022 йилда 8 та лойиҳанинг фойдаланишга топширилиши натижасида қўшимча 178 МВт ишлаб чиқариш қуввати яратилади ҳамда жами ишлаб чиқариш қуввати ҳажми 2 230 МВтга етказилади.
Мазкур рейтинг даражаси “Ўзбекгидроэнерго” АЖни жаҳоннинг машҳур инвесторлар бозорларида аниқ ва равшан бизнес стратегиясига, шаффоф молиявий ҳисоботларига ва кучли корпоратив бошқарув тизимига эга биринчи ўзбек ишлаб чиқарувчи корхонаси сифатида танитиб бормоқда.

Қўлга киритилган мазкур ютуқ келгусида “Ўзбекгидроэнерго” АЖнинг иқтисодий барқарорлигини янада оширишга хизмат қилади, инвестиция лойиҳаларини амалга оширишда хорижий кредитларни давлат кафолатисиз тўғридан-тўғри жалб қилиш имкониятини беради.  

«Улашинг»

  • Смайлы и люди
    Животные и природа
    Еда и напитки
    Активность
    Путешествия и места
    Предметы
    Символы
    Флаги
Кликните на изображение чтобы обновить код, если он неразборчив

RATING