Сўнгги янгиликлар
Парламентда Нукус воқеалари бўйича тузилган комиссия ахбороти тингланди
Навоийга Монголиядан 1000 бошга яқин Баят зотига мансуб қўйлар олиб келинди
Фаоллар айтаётган “иқтидор” эгаси оддий “Виртуал валютачи” бўлган...
Рустам Минниханов бошчилигидаги Татаристон делегацияси Навоий вилоятига ташриф буюрди
Тожикистоннинг Конибодомида яна тўрт кишининг жасадлари топилди. Маҳаллий аҳоли ваҳимада
Таҳлил қилинган давлат харидларида «Давлат харидлари тўғрисида»ги қонуннинг тегишли модда талаблари бузилганлик ҳолатлари аниқланди
Ички аудит хизмати ходимларининг фаолияти самарадорлигини баҳолаш тартиби белгиланди
Бугун ҳаво янада совиши кутилмоқда
Майя Санду иккинчи муддатга Молдова президенти этиб сайланди
Молдованинг амалдаги раҳбари Майя Санду республика президентлигига сайловининг иккинчи босқичида 55,22 фоиз овоз билан ғалаба қозонди. Марказий сайлов комиссияси овозларнинг 99,46 фоизини санаб чиққан.
Ўз навбатида, унинг рақиби, мухолифатдаги Социалистлар партиясидан номзод Александр Стояногло 44,78% овоз тўплаган. У республиканинг ўзида 51,19 фоиз овоз билан ғолиб чиққан.
Молдова шимоли ва жануби аҳолисининг аксарияти Санду режими томонидан ишдан бўшатилган собиқ бош прокурор учун овоз берган. Мамлакатнинг марказий қисмидаги аҳоли асосан амалдаги президентни қўллаб-қувватлаган. Хусусан, иккинчи йирик шаҳар Балти аҳолиси Стояноглога, Кишинёв аҳолисининг аксарияти (57,35%) эса Сандуга овоз берган.
Собиқ бош прокурор ўз ватани Гагаузияда ҳам мутлақ устунлик билан етакчилик қилган. У ердаги протоколларнинг 85,29 фоизи санаб чиқилгач, у 95,85 фоиз овоз олган. Унинг рақиби Майя бор-йўғи 4,15% овоз тўплаган.
Днестроведаги сайлов участкаларида ҳам Стояногло барча протоколларни қайта ишлагандан сўнг 79,4% овоз тўплаган. Сандуни фақат 20,6% сайловчилар қўллаб-қувватлаган.
Хориждаги сайлов участкаларида протоколларнинг 7,87 фоизи кўриб чиқилгач, амалдаги президент 74,13 фоиз, Стояногло эса 25,87 фоиз овозга эга чиққан.
Сайловнинг биринчи босқичида Санду 42,45 фоиз, Стояногло 25,98 фоиз овоз олган эди.
