Ўзбекистон Бутунжаҳон шахмат Олимпиадасида чемпионига айланди
Ҳиндистоннинг Ченнай шаҳрида 44-Бутунжаҳон шахмат Олимпиадаси бўлиб ўтмоқда. Унда Ўзбекистон эркаклар терма жамоаси рейтингда биринчи ўринни эгаллаб, чемпионга айланди.
Макс Уормердамга қарши дона сурган Жаҳонгир Воҳидов ғалаба қозонди. Бунгача 3 нафар Ўзбекистон вакили дуранг қайд этганди. Шу тариқа, Ўзбекистон ўз тарихида илк бор шахмат Олимпиадасида бош соврин эгасига айланди!
Ўзбекистон таркиби:
Нодирбек Абдусатторов
Нодирбек Якуббаев
Жавоҳир Синдаров
Жаҳонгир Воҳидов
Шамсиддин Воҳидов
Мураббий: Иван Соколов.
Ўзбекистон - Нидерландия 2,5 - 1,5 (тугади)
Ҳозирча иккинчи столда Нодирбек Якуббоев Йорден ван Форест билан дуранг ўйнади.
Нодирбек Абдусатторов ҳам Аниш Гири билан дурангга эришди.
Жавоҳир Синдаров ҳам дуранг қайд этди.
Маълумот учун, Ўзбекистон эркаклар терма жамоаси шахмат Олимпиадасида Непал (4:0), Фарер ороллари (4:0), Словения (3:1), Словакия (4:0), Перу (4:0), Арманистон (3:1) термаларини ютган бўлса, АҚШ, Ҳиндистон ва Ҳиндистон-2 билан дуранг (2:2) ўйнаган эди.
«Улашинг»
