Сўнгги янгиликлар
Туркиядаги Халқ кутубхонаси жаҳон кутубхоналари учун андаза бўлмоқда
Иқтисодчи Отабек Бакиров Ўзбекистонда меҳнат таътили кунлари 24 кундан 21 кунга камайтирилди деб ёзди, аслида эса 15 кундан 21 кунга оширилган ва тўланадиган маблағ ҳам кўпайтирилган бўлиб чиқди
Ҳайвон ҳам бунчалик хўрланмайди – Оққўрғондаги зўравонлик ҳақида очиқланмаган фактлар…
Шавкат Мирзиёев Мудофаа саноати агентлигининг Инновацион технологиялар марказига ташриф буюрди
Ҳар қандай масалага қулай позицияда эмас, ҳар томонлама ва холисона ёндошиш керак – Насимбек Азизов
Қурилиш майдонида одам ҳалок бўлган «Аския Cитй»да 5 йилдан буён ноқонуний қурилиш давом этаётгани маълум бўлди
Россияда самолёт қаттиқ қўниши оқибатида икки киши ҳалок бўлди
Нурота тумани «Мурувват» уйида ёш шоир Шоди Ражабовнинг «Ҳаётни севинг» номли шеърий тўпламининг тақдимоти бўлиб ўтди
Бугун «Олтин тўп» топширилади. Бу сафар «улоқни» ким олиб кетади?
Бугун, 28 октябрь куни "France Football" томонидан йилнинг энг яхши футболчисига аталган «Олтин тўп» соврин ўз эгасига топширилади. Тадбир Сена дарёси қирғоғида жойлашган Шатле театрида бўлиб ўтади.
Кўпчилик журналист ва экспертларни фикрига кўра "Реал Мадрид" вингери Винициус Жуниор футболдаги энг катта шахсий совринни қўлга киритишга асосий даъвогар ҳисобланади. Кучли учликка Родри ва Беллингем якун ясаб бериши кутилмоқда.
"Олтин тўп"га даъвогар 30 нафар футболчи билан танишинг:
Жуд Беллингем (Англия, "Реал Мадрид);
Хакан Чалханоглу (Туркия, "Интер");
Дани Карвахаль (Испания, "Реал Мадрид");
Рубен Диаш (Португалия, "Манчестер Сити");
Артем Довбик (Украина, "Днепр", "Жирона", "Рома");
Фил Фоден (Англия, "Манчестер Сити");
Алехандро Гримальдо (Испания, "Баер" Леверкузен);
Эрлинг Халанд (Норвегия, "Манчестер Сити");
Матс Хуммельс (Германия, «Боруссия« Дортмунд);
Xарри Кейн (Англия, «Бавария« Мюнхен);
Tони Кроос (Германия, "Реал Мадрид");
Адемола Лукман (Нигерия, "Аталанта");
Эмилиано Мартинес (Аргентина, "Астон Вилла");
Лаутаро Мартинес (Аргентина, "Интер");
Килиан Мбаппе (Франция, "Пари Сен-Жермен", "Реал Мадрид");
Мартин Эдегард (Норвегия, "Арсенал");
Дани Ольмо (Испания, "Лейпциг", "Барселона");
Коул Палмер (Англия , "Манчестер Сити", "Челси");
Деклан Райс (Англия, "Арсенал");
Родри (Испания, "Манчестер Сити");
Антонио Рюдигер (Германия, "Реал Мадрид");
Букаё Сака (Англия, "Арсенал");
Уильям Салиба (Франция, "Арсенал");
Федерико Валверде (Уругвай, "Реал Мадрид");
Винисиус Жуниор (Бразилия, "Реал Мадрид");
Витинья (Португалия, "Пари Сен-Жермен");
Нико Уильямс (Испания, "Атлетик");
Флориан Вирц (Германия, "Баер Леверкузен");
Гранит Жака (Швейцария, "Баер");
Ламин Ямал (Испания, "Барселона");
Шунингдек, бугун мавсумнинг энг яхши мураббийи, энг яхши жамоаси ва энг яхши ёш футболчиси каби бошқа мукофотлар ҳам ўз эгаларига топширилади.
16 ёшида кашфиёт бўлган Ламин Ямал катта эҳтимол билан мавсумнинг энг яхши ёш ўйинчиси деб топилади. Унга бу борада Арда Гулер рақобат таклиф қилади.
Қолаверса, аёллар футболида ҳам «Олтин тўп» ва яна бошқа йўналишларда ғолиблар тақдирланади.
Маълумот учун, ўтган мавсумда Лионел Месси саккизинчи марта «Олтин тўп»ни қўлга киритган эди. Бу йил Месси ҳамда Роналду кучли ўттизликдан жой олмаган.
