Биламизки, ПСЖ клуби шайхлар қўлига ўтганидан кейин Европа чемпионлар лигасида ғалаба қозониш учун жуда ҳам ката маблағ сарфламоқда. Шу сабабли, клуб раҳбарияти яқин йилларда тез-тез мураббийлар алмаштирди. Лекин мураббийларни алмаштириш фойда бермаганлиги учун клуб энди янги тизим ишлаб чиққан ҳолда, футболчиларга айрим чекловлар қўйди.

Парижликлар бошқарувига яқинда Луиш Кампос ва Кристоф Гальтье келди. Кампос клубга келган кунидан бошлаб, ўз “овози”ни эшиттириб қўйди. Яъни футболчилар у тузган қоидаларга амал қилмай, юлдузлик касалига чалинса, жамоадан кетишлари кераклигини таъкидлади.

Кристоф Гальтье Пари Сен-Жермен бош мураббийи сифатида таништирилган куни: “Майдонда ҳам, майдон ташқарисида ҳам ўзингизни интизомли тутишингиз керак”, дея таъкидлади. Ушбу фикр клуб президенти Нассер Аль-Хелаифининг берган баёнет билан деярли ўхшаш.

Бундан кўринадики, Аль-Хелаифи Гальтьени бош мураббий этиб тайинлашдан олдин интизом борасидаги мукаммал мураббий топишга ҳаракат қилган. Ҳозирча Аль-Хелаифи адашмаган кўринади. Чунки ПСЖ футболчилари, хусусан, Месси, Неймар ва бошқа юлдуз футболчилар ўзларини тутиб олишди ва жамоа учун жон куйдириб ҳаракат қила бошлашди. Футболчилар интизомга амал қилаётгани мавсум олдидан ташкил қилинга ўртоқлик ўйинлари ва “Нант”га қарши Суперкубок баҳсида ҳам сезилди.

ПСЖда ҳали ҳам Чемпионлар лигасини бир марта бўлса ҳам ютиш нияти жўш урмоқда. Шу боис ҳам клуб раҳбарияти янги стратегиясида интизомни биринчи ўринга қўйди.

ПСЖ Луиш Кампосни янги спорт директори сифатида ишга олди. Кампос шайхларнинг тўлиқ ишончига кирган. У ўйинчилар билан учрашган биринчи кунида интизом чизиқларни белгилаб қўйди. Кампос қоидалар ўрнатилишини ва ҳамма уларга риоя қилишга мажбур эканлигини аниқ айтди. “Агар рози бўлмаганлар бўлса, улар кетишлари мумкин”, дея қўшимча қилган Луиш.

ПСЖнинг барча футболчиларига кечаси кўчага чиқиш таъқиқланди

ПСЖда биламизки, кўплаб футболчилар ўйин-гулгуни кўпинча биринчи ўринга қўйиб қўяди. Буни олдини олиш учун Кампос ва Гальтье янги интизом қоидаларини эълон қилди.

Унга кўра, футболчилар энди мақсадсиз тарзда кўчага чиқишмайди. Бундан ташқари Кампоснинг кузатувига кўра, парижликлар сафидаги футболчилар тунги клубларга кўп боради. Шунинг учу, энди тунги клубга борган футболчилар жамоадан четлатилади.

Ҳозирда футболчиларнинг бирортаси клуб томонидан қўйилган чекловларга қаршилик билдирмади. Бундан кўринадики, парижликларнинг ички ҳолати маромида. Аввалроқ, яъни 2019 йилда Леанардо клубга келганидан кейин айрим чекловлар жорий қилишини маълум қилган эди. Лекин футболчилар бунга қаршилик билдиришган. Ҳаттоки, айрим футболчилар жамоадан кетишларини ҳам маълум қигган эди. Аммо ҳозирда вазият яхши. Футболчилар норозиликсиз янги раҳбарият ва мураббийнинг талабларини бажаришмоқда.

Энди ушбу янги ишлаб чиқилган тизим иш берадими ёки йўқ? Буни мавсум охирида билиб олишимиз мумкин бўлади. Чунки ПСЖ янги мавсумда ҳам барча мусобақаларда ғолибликни қўлга киритишни мақсад қилган ҳолда иш олиб бормоқда.