Сўнгги янгиликлар
Пластик карта орқали пора олган божхона инспекторига жиноят иши қўзғатилди
«UzAuto Motors» АЖдан мижозлар учун янгилик
Туркия ва Ўзбекистон ўртасида туризм соҳасидаги ҳамкорлик янги босқичга чиқмоқда
Саида Мирзиёевада янги ваколатлар
Ўзбекистонда доллар курси яна пастлади
Қашқадарёда дарёга чўмилиш учун борган аёллар чўкиб кетди
Қорақалпоғистондаги туманда жазирама сабаб боғчалар ёпилди
Анталия соҳилларида ҳалокатга учраган 2000 йиллик кемадан ноёб тарихий ашёлар топилди
«Ажойиб!» – жамоатчилик Сенатнинг ИИО органлари билан боғлиқ қонун маъқулланмаганини олқишламоқда
Бугун, 16 август куни Олий Мажлис Сенатининг 55-ялпи мажлисда ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жазони назарда тутувчи қонунни маъқулламади.
Қонун қайта кўриб чиқиш учун қайтарилган. Амалиётчи ҳуқуқшунос, жамоатчилик фаоли Саидали Мухторалиев Сенатнинг бу қарори алоҳида эътирофга лойиқ эканлигини таъкидлади.
«Сенаторлар жамоатчиликнинг кенг эътирозларига сабабчи бўлган ҳуқуқ-тартибот органлари ходимларининг фото ва видеоларини уларни обрўсизлантириш мақсадида интернетда тарқатганлик учун жазо белгилашни кўзда тутувчи қонунни маъқулламади. Ҳужжат қайта кўриб чиқиш учун Қонунчилик палатасига қайтарилган.
Ушбу қонун аслида «Йўл ҳаракати хавфсизлиги тизими такомиллаштирилиши муносабати билан Ўзбекистон Республикасининг Жиноят, Жиноят-процессуал кодексларига ҳамда Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартиришлар киритиш ҳақида» эди ва унда бошқа керакли масалалар ҳам бор эди.
Жамоатчилик эътироз билдирган жойи эса МЖтКга янги модда сифатида киритилган 195-2-модда эди ва бу моддага асосан ҳуқуқ органлари ходимларининг ўз хизмат вазифаларини бажариши билан боғлиқ маълумотларни уларни обрўсизлантириш мақсадида Интернет жаҳон ахборот тармоғига жойлаштириш 15 суткагача маъмурий қамоққа тортилиши белгиланганди.
Қонуннинг маъқулланмагани ва Қонунчилик палатасига қайтарилгани сабаби ушбу қонундан МЖтКга киритилиши белгиланган ана шу эътирозли 195-2-моддасини бутунлай чиқариб ташлаб, Сенатга барча учун бирдек манфаатли ҳолатда қайтадан киритиш бўлган деб эшитдим. Ажойиб!», деб ёзади Саидали Мухторалиев.
